Toro Toro (已結業)

跟同事Lunch 到了Toro Toro 食，喺大廈樓下已經有人派傳單Menu。上到去等咗一陣好快就有位。如果你可以12:45pm 前埋單仲有9折。我自己點咗雜錦角切魚生飯，魚生飯內有三文魚，油甘魚，甜蛋，甜蝦，同三文魚子同青瓜令到個飯無咁漏。隨餐仲會附送味噌湯同沙律，魚生飯啲魚生全部都夠新鮮同份量都好多，女仔一定夠食。朋友就叫咗極上火灸刺生飯，入面有帶子，三文魚，左口魚同鯛魚腩，我覺呢個比角切魚生飯更加特別同好味，佢燒得啱啱好，啲魚燒到啲魚油岀哂嚟，有入口即融嘅感覺，同角切魚生飯一樣魚生都好新鮮同份量都夠。呢個價錢喺中環嚟講算底食㗎啦。