Segreto Private Kitchen (已搬遷) 新店位置

當晚我們4個朋友聚會，又有另一班食客同我們一齊，雖然有陌生人在場，但大廚好識得控制氣氛，一開始已經有一杯杯香檳歡迎我們。大家都懶得帶酒，大廚有一箱箱合適的紅白酒，當晚我們這group開了兩支。我們幾個舊朋友可以有傾有講，有時亦會停一停聽大廚講每一道菜式的背景同趣事。菜式正宗地道，好少餐廳會有。沙律雖然簡單但相當好味道，平時戒食粉面飯但當晚忍唔住食完成碟意粉，因為大廚自制慢煮成日的意粉醬太好味，主菜我們訂了牛扒，大廚自家腌制aging的牛扒非常滿足平時是食肉獸的我。完了三道菜已經飲飽食醉，但見到tiramisu又不得不試，質感同餐廳不一樣，而且咖啡味好出，原來大廚有秘密加料。每道菜都是在我們面前煮好，感覺就似在一個烹飪節目坐前排，大廚好有幽默感，所有烹飪知識解釋後都變得好有趣。最後大廚煮好自己blend的咖啡，倒入已有榛子忌廉的小杯，飲用之前大家都禁不住深深吸一啖，香氣撲鼻，飲落去味道口感一流。大廚話自制的榛子忌廉為非賣品，但邀請我們可以約第日放工後再上studio，同大廚一齊整，學識制作過程。一餐晚飯好滿足好開心。