The Stadium (已結業)

大大話話成三年無見D觀塘舊同事，年尾想話聚，佢地重話觀塘有個場吹水唔錯，餐廳原來係 The Stadium.記憶中曾經去過佢地銅鑼灣分店幫襯，只係美式主意餐廳又唔係好 Feel 到係吹水好地方，心中有D奇怪......上到餐廳先知道原因，原來佢地有個 Corner 位係露天茶坐，啱哂我食菸人士啦！而哩間餐廳風格跟銅鑼灣有D唔同，坐係露天 Corner 位吹水絕對係一個超正地方.點咗個周打魚湯，特色炸物併盤，美式烤豬肋骨，茄汁肉丸意粉.周打魚湯望上去好似份量好少，其實兩個人份量都足夠，味道濃郁之餘，湯裡真係有魚肉做材料.茄汁肉丸意粉有驚喜，同樣望埋去以為份量不足，其實係錯覺，肉丸係出奇地超鬆軟，有D入口即溶感覺，以前意粉屋嘅茄汁肉丸都無咁正！特色炸物有炸洋蔥圈，炸雞翼，炸魷魚圈等等，最特別係貌似麥樂雞嘅炸物，口感比麥樂雞更脆更嫩，滿意.近年食烤豬肋骨，豬肉份量總係編少，但今次點嘅烤豬肋骨大大份，豬肉足夠，又 juicy 又入味，果然係美式風格.不論食物同環境都超滿意，由其係露天 feel, 極舒服寫意！讚！