影片
更多
2022-08-21
751 瀏覽
蘭桂坊勁chill嘅weekend brunch，比酒店放題更啱我，勁長嘅沙律吧，好好味嘅芝士同凍海鮮，仲有香港top 2嘅pizza，另外main 都好好味呀，仲有我最鍾意嘅甜品同酒，真係想每個禮拜六日都約人去食😍😍佢$448，包一個main，其他任食，pizza唔係主食，所以可以随便叫，好後悔無叫多款嚟食，不過唔緊要，一定有下次🤩仲可以加錢任飲紅白氣酒，我見在場嘅幾乎個個都加，無理由唔加㗎。必食推介izza--平時食自助餐或者放題好少會食pizza，因為好快飽，但係呢度嘅pizza可以放心食，佢勁薄，而且係香港top 2嘅pizza，一定要試，我見每張枱都至少叫一個🤩佢有幾款口味，即叫即整，好快就整好，好香好脆，兩個人食完一個完全冇難度，想叫第二個嘅時候又夠鐘食甜品，所以放棄咗🥺凍海鮮--比之前食過某些五星級酒店凍海鮮更高質，尤其係螺，大隻之餘仲要勁彈牙，龍蝦都好多膏好正，而且醬汁又多款，最好味係cocktail醬，酸酸甜甜，正。沙律吧--至少有十幾款沙律，好多都係我未食過嘅嘢，所以我每款都攞少少嚟試，大部分都係我鍾意嘅味道🤩南瓜、紅菜頭、火箭菜、broccolini、仲有太多太多
佢$448，包一個main，其他任食，pizza唔係主食，所以可以随便叫，好後悔無叫多款嚟食，不過唔緊要，一定有下次🤩仲可以加錢任飲紅白氣酒，我見在場嘅幾乎個個都加，無理由唔加㗎。
必食推介:
pizza--平時食自助餐或者放題好少會食pizza，因為好快飽，但係呢度嘅pizza可以放心食，佢勁薄，而且係香港top 2嘅pizza，一定要試，我見每張枱都至少叫一個🤩佢有幾款口味，即叫即整，好快就整好，好香好脆，兩個人食完一個完全冇難度，想叫第二個嘅時候又夠鐘食甜品，所以放棄咗🥺
凍海鮮--比之前食過某些五星級酒店凍海鮮更高質，尤其係螺，大隻之餘仲要勁彈牙，龍蝦都好多膏好正，而且醬汁又多款，最好味係cocktail醬，酸酸甜甜，正。
沙律吧--至少有十幾款沙律，好多都係我未食過嘅嘢，所以我每款都攞少少嚟試，大部分都係我鍾意嘅味道🤩南瓜、紅菜頭、火箭菜、broccolini、仲有太多太多瓜菜，以為沙律得菜？咁就錯啦，仲有煙三文魚、煙燻吞拿魚、魷魚、蝦、八爪魚等等嘅沙律，仲有啲真係唔知係咩菜嘅我都有試呀，有一款魚以前旅遊節目見人介紹過，真係勁豐富，好開心可以食到平時好少機會接觸嘅嘢☺️
芝士--有幾款芝士都好好味，本身比較鍾意軟身少少嘅芝士，除咗blue cheese同黑松露芝士，佢連車打芝士都係偏軟身㗎，啱晒我☺️
主食--我哋好遲先叫主食，唔想太滯，最後揀咗慢煮雞胸同煎三文魚。呢塊雞胸一定係我食過最滑嘅雞胸，真係好想知點樣可以煮到咁嫩滑。而三文魚都煎得好好味，層皮勁脆，加埋好特別嘅橙色醬，好好味。
甜品--呢度嘅甜品都好吸引呀，仲有我最鍾意嘅tiramisu 🤩🤩食完一大舊又忍唔住去攞多舊🤭朱古力蛋糕勁重朱古力味，而且入面真係有香蕉，好好味。仲有芝士蛋糕，都好想食多件，但係佢每件都太大舊，唔敢再攞🤣
酒水--佢好在有幾款酒揀，我哋先試咗一杯cocktail同一杯mocktail，兩杯都好好飲，酒精濃度唔會太重，又唔會太甜，啱晒女仔飲。另外仲飲咗幾杯氣酒，好易入口，紅白酒就冇試啦，下次試完再話俾大家知啦。
發現大部分嘢都係必食推介😆真係要好似我咁食得嘅人先可以試晒咁多樣嘢。唯一我食唔慣嘅係啲醃製嘅嘢，例如紅辣椒包住橄欖，因為唔知要點食，我直接咬咗一啖，好鹹😂至於其他食物，我都好滿意。
我嗰日係full booking嘅，12點先開，但未夠鐘已經勁多人係出面等緊入去，睇嚟大家都好識嘆，美酒佳餚，氣氛好好，下次要約埋閨蜜去食先得☺️☺️
張貼
