中環人介紹呢間上樓法國菜小店，地點非常易搵，由娛樂行行上德已立街，行幾步見到間7仔隔離大廈就係喇，方便✌🏻裝修走比較平實舒適路線，晚市經Openrice訂座有75折，我地叫咗一個湯、一客蝸牛、一個main、一碟意粉、一客甜品，每碟份量合理，埋單唔使六百蚊，以中環地段嚟講好經濟👏🏻👏🏻店員有禮貌，做嘢速度快靚正，經常主動換碟，唔會一氣上哂所有食物，會等客人食完一碟先再上下一碟，服務貼心讚😌❣️先嚟個法式芝士洋蔥湯，熱到辣口🤩湯上面有件芝士麵包，淋哂嘅洋蔥好香濃🧅田螺好耐冇食過，勁香口🐌黑松露醬野菌意粉用蒜片同蘑菇炒得好香，鑊氣好夠，意粉條條爽身，睇落平平無奇食落我比100分😋👍🏻慢火煮紅酒和牛面肉腍嫩入味，輕輕一咬即溶超軟綿 ；臨尾食埋酥皮蘋果批配雪糕做個happy ending🤟🏻蘋果批焗得比較乾身，配果仁雲呢拿雪糕，一凍一熱一齊食掂💜
