影片
更多
2023-06-20
33 瀏覽
Omakase熱潮未散，全港各區好多選擇，要揀得精明，無謂嘥錢又嘥寶貴胃quota🤰居港日本朋友介紹嚟呢間，景觀開揚，舒服好坐，所有員工友善好客，氣氛輕鬆💯時令漁獲食材由日本豐州空運直送，唔駛飛日本都體驗到新鮮日本料理🇯🇵壽司師傅刀工純熟，切工恰好，精緻上碟，用心講解每道菜式👍🏻邊食邊睇住每個製法同埋對答互動交流，好like呢個氛圍，嚟飲酒食嘢傾計一流，係近期好滿意嘅一餐😍$1180 Omakase共有21道菜色，包括3道前菜、1道時令生蠔、4道刺身、6道壽司、5道串燒、1道湯、1道甜品🥢🇯🇵打頭陣前菜有自家製海膽豆腐配胡麻沙律、湯葉，上有黑松露同魚子、蘿蔔煮和牛腹肉，牛腹肉肥美軟淋，蘿蔔清甜又腍又冇渣👍🏻日本岩手縣令和怪物生蠔🦪Size肥厚好大隻，口感豐厚，入口少少爽脆又creamy，好鮮甜🤤跟住係Omakase重頭戲，4道刺身同6道壽司🍣🍣單睇所有刺身外觀光澤而且挺身就知非常新鮮🔥鮫魚肉質細密軟腍，赤貝切花肉身肥厚，鮮甜彈牙；當中最鍾意腦天，腦天即係吞拿魚頭頂塊肉，係全條吞拿魚嘅激罕部位，每條魚只得2片，超矜貴🤩👑✨✨魚味濃郁，油脂豐滿入口即溶，一試難忘，唔係每間和食料理都有得食，
$1180 Omakase共有21道菜色，包括3道前菜、1道時令生蠔、4道刺身、6道壽司、5道串燒、1道湯、1道甜品🥢🇯🇵打頭陣前菜有自家製海膽豆腐配胡麻沙律、湯葉，上有黑松露同魚子、蘿蔔煮和牛腹肉，牛腹肉肥美軟淋，蘿蔔清甜又腍又冇渣👍🏻日本岩手縣令和怪物生蠔🦪Size肥厚好大隻，口感豐厚，入口少少爽脆又creamy，好鮮甜🤤跟住係Omakase重頭戲，4道刺身同6道壽司🍣🍣單睇所有刺身外觀光澤而且挺身就知非常新鮮🔥鮫魚肉質細密軟腍，赤貝切花肉身肥厚，鮮甜彈牙；當中最鍾意腦天，腦天即係吞拿魚頭頂塊肉，係全條吞拿魚嘅激罕部位，每條魚只得2片，超矜貴🤩👑✨✨魚味濃郁，油脂豐滿入口即溶，一試難忘，唔係每間和食料理都有得食，慶幸食到🥹✌🏻其他如金目鯛、深海池魚、岩鹽魷魚、鯖魚等入口甘香細膩，鮮甜之餘又保留彈嫩口感；壽司醋飯比例剛好，亦欣賞壽司師傅喺調味嘅心思，襯托出唔同嘅魚鮮食材，大滿足🤤💗
食Omakase點少得叫清酒🍶是晚唎酒師推薦咗靜岡縣第一銘柄’磯自慢‘🏅入口果香芳郁甘酸平衡，大驚喜🤩🫶🏻 5道串燒有和牛、雞心、雞翼、雞脾茹同秋葵，火候掌握得好好，保留食材原汁原味，配恰當嘅調味係錦上添花🌸🌸最後嚟個紅豆雪糕作完美結尾🥰
張貼
