影片
更多
2021-10-19
466 瀏覽
呢間小店唔太起眼，只有8個座位，而且個店名又似香港人名。如果唔係喺附近做嘢嘅朋友極力推介，我應該唔會入去試。第一次去到，我請店員推介，當日氣溫34度，店員推介我食肉丸烤腩肉撈檬。肉丸同烤腩肉都係浸喺暖嘅撈檬汁入面，但食落口竟然仲脆㗎！肉丸係免治肉丸，好好味，烤腩肉好香口，唔油膩，正！😋 個撈檬有好多蔬菜絲丶薄荷葉丶九層塔丶花生丶炸蒜片，食落好清新又有層次，呢度嘅檬粉比一般幼，整體味道同我之前喺河內出差嘅味道一樣！店員問我啱唔啱食，我話好好食同埋同我喺河內食嘅味道一樣，店員話佢哋都係河內人，用番河內嘅煮法。唔怪之得個味咁親切啦！由於嗰日好熱，店員見我成身汗，就推介我飲鹹檸檬梳打，果然好解渴👍🏻店員叫我下次試吓湯檬。不過因為我太鍾意個肉丸烤腩肉撈檬，所以第二次去都係叫番一樣嘅嘢。第三次去喺下午茶時段，下午茶餐無肉丸烤腩肉撈檬。我問店員有冇其他推介，佢話炒豬肉湯檬好食。講真賣相麻麻，但原來好好味，豬肉炒得好香，個湯超香甜，幼檬熱食原來仲正🤤 我食食吓不知不覺飲咗好多湯，出奇地之後完全無覺得口渴。呢次我飲咗香茅青檸梳打，勁足料，好飲！見到隔離枱個越南女仔叫咗杯smoothie，好似好正，等我下
第一次去到，我請店員推介，當日氣溫34度，店員推介我食肉丸烤腩肉撈檬。
肉丸烤腩肉撈檬
29 瀏覽
0 讚好
0 留言
肉丸同烤腩肉都係浸喺暖嘅撈檬汁入面，但食落口竟然仲脆㗎！肉丸係免治肉丸，好好味，烤腩肉好香口，唔油膩，正！😋 個撈檬有好多蔬菜絲丶薄荷葉丶九層塔丶花生丶炸蒜片，食落好清新又有層次，呢度嘅檬粉比一般幼，整體味道同我之前喺河內出差嘅味道一樣！店員問我啱唔啱食，我話好好食同埋同我喺河內食嘅味道一樣，店員話佢哋都係河內人，用番河內嘅煮法。唔怪之得個味咁親切啦！由於嗰日好熱，店員見我成身汗，就推介我飲鹹檸檬梳打，果然好解渴👍🏻
店員叫我下次試吓湯檬。不過因為我太鍾意個肉丸烤腩肉撈檬，所以第二次去都係叫番一樣嘅嘢。
第三次去喺下午茶時段，下午茶餐無肉丸烤腩肉撈檬。我問店員有冇其他推介，佢話炒豬肉湯檬好食。講真賣相麻麻，但原來好好味，豬肉炒得好香，個湯超香甜，幼檬熱食原來仲正🤤 我食食吓不知不覺飲咗好多湯，出奇地之後完全無覺得口渴。呢次我飲咗香茅青檸梳打，勁足料，好飲！
炒豬肉湯檬
37 瀏覽
0 讚好
0 留言
見到隔離枱個越南女仔叫咗杯smoothie，好似好正，等我下次又試吓先！
張貼
