影片
更多
2022-09-03
10859 瀏覽
都市傳聞話呢間餐廳嘅電話、電郵、社交平台度好似結界咁，永遠都冇人😨每個月1號開放下個月嘅Booking，如此類推。本身，我哋都諗使唔使咁大牌呀😒點知，入座嘅時候同分店經理和料理長Jeff傾開計，先理解到佢哋嘅難處…😔點解咁難book嘅原因係因為Mori San 堅持每一位廚師都要一心一意咁為一台客人烹調壽喜燒，而且過程亦要隨時留意客人使唔使加茶、飯、及據客人的飲食喜好再加以調整，人手方面真係不足夠。而且每一位能夠獨當一面站立於客人前的料理長，培訓完後也必須經過Mori San嘅親身考核，合格後先可以服務客人，以確保客人每次光臨餐廳，質素及服務也有統一標準，勁！👍🏻餐廳有兩個選擇，一個係omakase，另一個係sukiyaki (牛)或 shabushabu (豬)set，咁嚟得呢度梗係食壽喜燒啦🤣所以今次我哋叫咗Sukiyaki Set ($680)。呢個set有前菜、茶碗蒸、蔬菜、主角壽喜燒、無限量供應飯及烏冬和甜品。前菜就正常發揮，有日本餐粟米、銀杏和一個酸酸地嘅青紅椒，食完個前菜，我哋個胃就打開咗啦🤣 我哋追加左A4 近江牛刺身($200/4片)，有西冷及牛肩兩個部位，口感鬆軟，
餐廳有兩個選擇，一個係omakase，另一個係sukiyaki (牛)或 shabushabu (豬)set，咁嚟得呢度梗係食壽喜燒啦🤣所以今次我哋叫咗Sukiyaki Set ($680)。呢個set有前菜、茶碗蒸、蔬菜、主角壽喜燒、無限量供應飯及烏冬和甜品。前菜就正常發揮，有日本餐粟米、銀杏和一個酸酸地嘅青紅椒，食完個前菜，我哋個胃就打開咗啦🤣 我哋追加左A4 近江牛刺身($200/4片)，有西冷及牛肩兩個部位，口感鬆軟，好似食緊棉花咁入口即溶🤤
食完生冷嘢，梗係要食返個茶碗蒸暖下胃😌 真係好好食，上面舖滿一大層海苔，連埋滑捋捋嘅蒸蛋一齊食落口，好鮮甜好滿足😍 跟住就上重頭戲，牛肉壽喜燒啦！個set嘅牛肉都係用上A4級近江和牛，有四個唔同嘅部位，包括兩個肩位、肉眼及西冷位，每個部位嘅肉香及脂肪比例都唔同，大家唔使擔心，師傅會詳細講解俾你知㗎！佢哋個壽喜燒汁係甜度行先，唔似出面啲壽喜燒一味得個咸字😰肉質及口感都唔使多講，唯一要講嘅係建議大家叫碗細飯，連埋個牛肉一齊食，冇咁油膩🤫 
食開和牛，唔爭在食埋個牛脷(追加，$100/4片)，個牛脷好爽口，一啲都唔老，師傅功架好好！跟住就食埋啲蔬菜、蒟蒻麵等。蔬菜中，最吸引到我哋嘅係嚟自兵庫縣淡路島洋蔥，識食嘅朋友一定知道，淡路島洋蔥聞名全日本，而且係唔辣嘅，再經過壽喜燒帶嚟嘅焦糖花，口感更加爽甜，我哋建議由外圈食到內圈，因為內圈係最鮮甜嘅，而且可以沾上日本雞蛋，增加口感🥹
最後師傅驚死你唔包咁整埋個壽喜燒和牛蛋炒飯俾你食，個飯幾濃味，材料只係用咗壽喜燒汁、雞蛋同埋和牛，三樣嘢炒埋一齊嘅口感好似食緊蛋包飯咁🥹跟飯有漬物和用咗兩款赤麵豉烹調而成嘅麵豉湯，師傅話可解除油膩感。
甜品就正常發揮啦，鬼叫之前嗰啲太出色啦🤣
席間同料理長Jeff交流，佢話呢個價錢由2017年開舖以來都冇加個價，佢都諗唔明Mori San點解唔加價🤔 我哋估，可能佢就係想多啲人可以享受到真正嘅壽喜燒喇，而唔係坊間嗰啲咸到阿媽都唔認得嘅壽喜燒喇！點都好，我哋希望呢間餐廳可以繼續秉持依個精神，keep好過質素！不過佢哋都要好好正視預約困難嘅問題，否則有幾好嘅熱誠和質素都無用🤷🏿♂️
張貼
