名館 (已結業)

假日約咗男朋友一齊去大館影吓相行吓，去之前首先食返個lunch先，喺網上面搵到呢一間好似唔錯，主要係食點心，嚟到見到平平地都能夠食到點心放題，一於試試。環境好舒服，有種高雅既感覺，見到有好幾張圓桌，所以好適合一大班人聚餐。《麻香無骨黑雞腳》第一次食黑雞腳，脆卜卜，配上麻油香真係好好食👍🏻👍🏻《泡椒魚皮絲》魚皮絲非常爽脆，泡椒味道好出，唔會過辣過嗆，幾出色👍🏻👍🏻《雞翼釀糯米》雞翼外皮微脆，包着糯米，米粒偏林，但係加入泡菜調味之後好香👍🏻《銀湖天鵝酥》呢個點心好靚，外層好酥化，入面包住紫薯餡，甜度啱啱好，整體不錯。《紅菜頭蝦餃》外皮好煙韌而且晶瑩剔透，蝦肉好爽彈，食得出新鮮，而且都幾多蝦仁👍🏻雖然任食，但都好有誠意。《真菠蘿包》入面真係有真嘅菠蘿肉，而且都幾甜，外層酥皮都幾脆，整體不錯。《雪茄春卷》呢道點心十分有新意😆味道都好好，食咗兩轉，餡料好足，而且春卷外皮好脆口，推薦👍🏻👍🏻👍🏻 呢度環境唔錯，而且價錢唔貴，可以食到好飽，質素真心幾好，全部點心都好有gimmick，黎中環可以一試👍🏻