影片
更多
2025-05-18
2 瀏覽
今日我有同事farewell，幾個同事去食左呢間中菜。搭電梯上到去，佢既環境走高級摩登中式風格，而且服務細心，有種中菜 fine dining 嘅感覺！我地三個人食左好多樣野：🔪 堂切垛子牛肉 佢上枱時好薄，中間好晶瑩剔透，好似係JELLY 既感覺，好薄，點上一啲辣粉，做前菜好啱。評分：👍🏻👍🏻👍🏻👍🏻/5🥗 熗拌濰坊鮮蘿蔔皮 呢個好清爽，醬汁係酸酸辣辣帶微微蒜香，蘿蔔皮脆卜卜，幾開胃，好特別。評分：👍🏻👍🏻👍🏻/5🍵 松茸清湯雞豆花 未飲都已經要不停打咭，你睇下，真係好似成朵花咁，真係唔捨得食；外觀以為係普通雞湯，但一飲落去係唔同啲！雞湯清中帶鮮，仲有滑滑的「雞豆花」，完全唔似普通燉湯咁濃烈，但香得嚟又高雅。評分：👍🏻👍🏻👍🏻👍🏻/5🦆 魚籽醬烤鴨配煎餅 重點之一！鴨皮脆卜卜，肉唔會鞋，配上微鹹嘅魚籽醬一齊包落煎餅入面食，好過傳統甜麵醬好多！一啖落去鴨香、魚子鹹香、餅皮煙韌全部都有，好有驚喜。同埋你睇果個餅，又係唔捨得食架。評分：👍🏻👍🏻👍🏻👍🏻👍🏻/5🌶️ 成都青花椒毛血旺 呢個唔似平時我食開果啲紅紅既毛血旺🔥！唔係死辣果隻，而係有香氣、有深度嘅花椒麻香，配料又多又足（鴨血、毛肚、粉
我地三個人食左好多樣野：🔪 堂切垛子牛肉
佢上枱時好薄，中間好晶瑩剔透，好似係JELLY 既感覺，好薄，點上一啲辣粉，做前菜好啱。
評分：👍🏻👍🏻👍🏻👍🏻/5
🥗 熗拌濰坊鮮蘿蔔皮
呢個好清爽，醬汁係酸酸辣辣帶微微蒜香，蘿蔔皮脆卜卜，幾開胃，好特別。
評分：👍🏻👍🏻👍🏻/5
🍵 松茸清湯雞豆花
未飲都已經要不停打咭，你睇下，真係好似成朵花咁，真係唔捨得食；外觀以為係普通雞湯，但一飲落去係唔同啲！雞湯清中帶鮮，仲有滑滑的「雞豆花」，完全唔似普通燉湯咁濃烈，但香得嚟又高雅。
評分：👍🏻👍🏻👍🏻👍🏻/5
🦆 魚籽醬烤鴨配煎餅
重點之一！鴨皮脆卜卜，肉唔會鞋，配上微鹹嘅魚籽醬一齊包落煎餅入面食，好過傳統甜麵醬好多！一啖落去鴨香、魚子鹹香、餅皮煙韌全部都有，好有驚喜。同埋你睇果個餅，又係唔捨得食架。
評分：👍🏻👍🏻👍🏻👍🏻👍🏻/5
🌶️ 成都青花椒毛血旺
呢個唔似平時我食開果啲紅紅既毛血旺🔥！唔係死辣果隻，而係有香氣、有深度嘅花椒麻香，配料又多又足（鴨血、毛肚、粉皮等），鐘意重口味嘅人真係不能錯過～
評分：👍🏻👍🏻👍🏻/5
🦐 海捕大蝦燒膠洲白菜
呢個好好食呀，大蝦好新鮮，膠洲白菜吸晒湯汁，呢個我好鍾意食。
評分：👍🏻👍🏻👍🏻👍🏻👍🏻/5
🍩 大油條配腐乳慕斯 / 鳳梨慕斯
條油炸鬼超大條，以為冇乜特別，以為得個大字；點知可以係鹹點，又可以係甜品！油炸鬼炸得好脆，腐乳慕斯鹹中帶甜，反差好得意；而鳳梨慕斯果香酸甜，兩個都好特別，創意有分數。
評分：👍🏻👍🏻👍🏻👍🏻/5
🥟 拇指生煎包
細細粒一啖一個，底部煎得香脆，唔會太油，餡料有湯汁但唔會爆，諗住咁多食唔晒，點知食下食下又食晒喇。
評分：👍🏻👍🏻👍🏻👍🏻/5
🍶 阿膠絲滑酸奶
呢個酸奶好似冇乜特別，但係佢加左阿膠；初頭阿膠淨食會好酸，但係溝埋個酸奶，就完全唔同晒，仲好好味，酸奶又滑，阿膠又好補身，真係平凡得黎又唔平凡。
評分：👍🏻👍🏻👍🏻👍🏻👍🏻/5
整體嚟講，呢間餐廳真係擺盤靚、味道到、又有驚喜，唔止得打卡咁簡單。推薦大家多人嚟一齊分享，可以試多幾款菜，尤其推介烤鴨＋毛血旺＋雞豆花＋大油條甜品組合！
整體味道指數：😋😋😋😋😋/5
性價比：💰💰💰💰/5
環境：❤️❤️❤️❤️❤️/5
服務：✅✅✅✅✅/5
張貼
