六如

營業中

休息中

前身名為三小漁嘅中菜餐廳，依家改咗名叫「六如」，除咗名字變咗，佢哋價錢仲變得更親民，推出多款抵食嘅午巿套餐,闊落嘅環境，燈光柔和，近窗位置仲望到街景，都幾好坐架。佢哋星期一至日由下午2點開始至到4點入座，以及夜晚8點半後入座就有8折優惠 ，公眾假期及特別日子就除外。前菜加錢有份竹炭黑磗豆腐，賣相唔錯，竹炭外層幾香脆，咬落去入面系嫩滑豆腐，配埋蒜香，勁惹味。我哋揀咗私房黑蒜蒸龍躉飯同鮮菠蘿咕嚕肉龍躉魚肉質鮮嫩，新鮮滾熱辣上枱，黑蒜嘅香氣仲好突出，同龍躉魚好夾，黑蒜汁好送飯。鮮菠蘿咕嚕肉賣相討好，大大一碟，食落酸酸咪咪咁，菠蘿味都幾突出，豬肉唔算肥膩。甜品有擺盤，棗泥糕同芒果鮮奶凍，質地軟滑，可以食到芒果粒粒。