更多
2023-01-28
328 瀏覽
[ JJJ Korean Steakhouse & Bar ]最近留意到中環新開咗間高級韓式扒房,主打美國🇺🇸、日本🇯🇵、韓國🇰🇷等地嘅高質靚牛肉🐮🥩,以西式方法處理牛扒,同時保留傳統韓國菜精髓。Before Grill入座後店員會先提供傳統韓式🇰🇷醬菜小碟,有醃青瓜片、醃白蘿蔔片、醃漬杏鮑菇&泡菜,酸酸甜甜好開胃😋✿ JJJ House Salad $100呢個沙律🥗好特別,表面有幾塊香脆嘅炸蓮藕片,野菜方面有海藻、青瓜&沙律菜,配以醋汁清新又開胃。✿ Beef Tartare $280呢款「生牛肉他他」用上美國🇺🇸最頂級USDA Prime生牛肉🐮🥩,剁碎並用白松露油混合。呈上時店員會即刨巴馬臣芝士🧀,最後打上一顆生雞蛋黃🥚,生牛肉肉質軟滑無筋,帶濃厚白松露油香味&淡淡鹹香味。At Grill✿ JJJ Premium Butcher's Cuts $580(一人份)主角登場喇🤩 呢個set 6pm-10:30pm供應,主打美國🇺🇸最頂級USDA Prime牛肉🐮🥩,包含4款精選牛扒部位:- 45日乾熟肉眼扒(美國🇺🇸USDA Prime)- 2款廚師發辦牛扒(美國🇺🇸USDA P
最近留意到中環新開咗間高級韓式扒房,主打美國🇺🇸、日本🇯🇵、韓國🇰🇷等地嘅高質靚牛肉🐮🥩,以西式方法處理牛扒,同時保留傳統韓國菜精髓。
Before Grill
入座後店員會先提供傳統韓式🇰🇷醬菜小碟,有醃青瓜片、醃白蘿蔔片、醃漬杏鮑菇&泡菜,酸酸甜甜好開胃😋
✿ JJJ House Salad $100
呢個沙律🥗好特別,表面有幾塊香脆嘅炸蓮藕片,野菜方面有海藻、青瓜&沙律菜,配以醋汁清新又開胃。
✿ Beef Tartare $280
呢款「生牛肉他他」用上美國🇺🇸最頂級USDA Prime生牛肉🐮🥩,剁碎並用白松露油混合。呈上時店員會即刨巴馬臣芝士🧀,最後打上一顆生雞蛋黃🥚,生牛肉肉質軟滑無筋,帶濃厚白松露油香味&淡淡鹹香味。
At Grill
✿ JJJ Premium Butcher's Cuts $580(一人份)
主角登場喇🤩 呢個set 6pm-10:30pm供應,主打美國🇺🇸最頂級USDA Prime牛肉🐮🥩,包含4款精選牛扒部位:
- 45日乾熟肉眼扒(美國🇺🇸USDA Prime)
- 2款廚師發辦牛扒(美國🇺🇸USDA Prime)
- JJJ精選腌牛肋骨
今晚2款廚師發辦牛扒🐮🥩係牛頸脊&封門柳,牛肉肉味濃及油脂分佈平均;而經過45日熟成嘅肉眼肉質稔滑,肉味更濃厚,油花分布更集中而保留到肉汁。已醃製嘅韓式牛肋骨已去骨,肉質軟嫩,微甜帶果香味。
After Grill
✿ Beef Rice $480
呢個牛肉飯🐮🍚 賣相有啲似港式煲仔飯,但食材更高級😍 店家用珍珠米加入牛肉湯、炸香咗嘅日本大蒜🧄&青蔥去炒,大大粒嘅燒牛肉粒鋪係炒飯之上。而店員更會喺食客面前將牛骨髓倒入炒飯,撈完後嘅炒飯色香味俱全。
燒牛肉粒油脂感豐富,珍珠米炒飯粒粒分明,帶少少飯焦香味,好好食😍
Dessert
✿ Ginseng Ice Cream $80
第一次食花旗參雪糕🍨😳😳 放入口會先食到花旗參味,接着食到雲呢拿&橙茶味,好特別嘅配搭。
✿ Egg Bread $80
傳統韓國🇰🇷街頭小吃,雞蛋餅🍳蛋香味濃,帶有煙肉🥓&芝士🧀嘅咸香味。
總結🫦
呢間韓式扒房嘅服務&食物都高質素,好適合約會慶祝,而且店內設有bar枱位,中意飲酒🍻可以叫返杯cocktail😋
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
JJJ Korean Steakhouse & Bar
地址:中環雲咸街60號中央廣場地下3號舖
電話:2637 8978
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
張貼