大呷台灣 (已結業)

今日喺中環附近收工，接埋男友後就一齊搵餐廳醫肚。喺眾多西餐廳林立的蘇豪區附近，居然有間主打台式小菜的餐廳，我地當然要去試下!🔻古早味蚵仔煎🔻蚵仔煎上碟時熱辣辣，蚵仔份量都幾多，而且有返咁上下大細，每啖都食得到。煎餅外層香脆，中間則是滑溜煙韌的口感，配埋甜甜地嘅醬汁一齊吃，不禁令人懷念地道的台式口味。🔻三杯雞🔻上枱時好夠鑊氣，雞件惹味得來唔會太咸，酒味好香，我地仲額外叫左碗白飯，用嚟送三杯雞一流啊！🔻 干貝蔥油乾拌麵 🔻拌麵口感煙韌彈牙，加上惹味的乾貝和香蔥一起吃， 三爬兩撥便吃清光了！🔻 玫瑰水晶洛神花 🔻不得不讚這裡的飲品質素幾好，玫瑰同洛神花這個配搭出奇地合拍，酸酸甜甜的，飲落清新開胃。&落左乾嘅洛神花去製作，夠哂真材實料！🔻 紫心地瓜粒粒芋頭 🔻飲品帶有濃濃芋頭味，仲有淡淡奶香，飲到底有好多芋頭肉，非常足料！