一起食堂 (域多利皇后街)

營業中

休息中

係中環睇完展覽，唔係好諗到食咩，經過見到呢間一起食堂小店，價錢同賣相都幾吸引，於是入左去試試🤤餐廳裝潢有點溫暖既感覺，除左播住台灣流行曲外，仲貼上不同台灣懷舊海報。食物選擇唔多有面、便當同小食三類揀，我同朋友一人叫左一個主食，兩個小食同兩杯飲品。不約而同都想試蘆薈桂花雪梨茶，黎到有半杯都係料，飲落同想像中一樣，啖啖蘆薈雪梨，好滋潤。炸花枝丸每粒花枝丸都炸到熱辣辣、脆卜卜，口感彈牙，有粒粒墨魚肉，係無欺場既花枝丸。米紙蝦春卷我以為係米紙卷，但原來係炸的。米紙炸到脆卜卜，咬落鬆化，入面包住蝦同春卷料，配埋上面既沙律醬，唔會好油膩。海鮮稻庭烏龍麵原來台灣烏龍麵係烏冬既意思，呢碗海鮮烏冬都非常足料，有大蝦、青口、蟹肉棒、花枝丸、魚片，同埋一隻溫泉蛋，湯底都頗鮮甜，稻庭烏冬唔洗講都知好味。原條蒲燒鰻魚飯呢個飯真係不得了，除左有原條鰻魚外，仲有一粒溫泉蛋，先用溫泉飯拌飯，再一口鰻魚一口飯，好正😋😋 鰻魚肥厚彈牙，咬落肉質一d都唔散，厚實又彈牙，仲好肥美。