Pulau

今日過咗嚟中環，入咗中環街市試新加坡野。

肉骨茶白胡椒味超濃，裏面有跟住豬肚，幾件一字排，一啲雪藏味都冇。最搞笑係有原個蒜頭！肉骨茶味道好香濃。冇乜味精味。油條點肉骨茶好好味。雞油香飯一啲都唔油膩，鮮味十足，值得一試。

另外朋友叫咗個巴東牛肉班蘭椰漿飯配蘇東魚丸雞湯。焗飯斑斕味好濃好香，帶清新椰嘅香味，一啲都唔滯。巴東牛肉好林，份量一啲都唔細。個魚丸湯估佢唔到好大陣雞鮮味，仲有兩粒魚蛋，大滿足。

我哋重點咗個鹹蛋黃魚皮，熱辣辣啱啱整起，超多鹹蛋黃，必試。但係食完真係好飽。