影片
更多
2021-06-07
1242 瀏覽
呢個星期唔食brunch buffet，黎試下呢間雞翼放題！ 放題有3個種類，我地揀左10款口味連飲品，周末價每位$198。先來一人一罐啤酒🥡黑椒檸檬滴幾滴新鮮清香檸汁係面，入口既黑椒味更加突出，椒粒既鈍感加埋連帶脆既翼皮，口感更豐富🥡BBQ蒙古燒烤味製作夠乾身，食落有一種大漠風沙既感覺，味道相對沉實一點，燒烤、孜然味道慢慢散發出來🥡泰式甜辣醬雞翼搭配不同口味既醬香，味道效果又有顯著分別，呢款泰式甜辣醬，外皮濕濕地味道充滿一份熱情夏日既甜中放辣既感覺，非常惹味開胃，好有熱帶風情🥡紐奧良香粉 微辣既香粉好惹味🥡黑芝麻海鮮蜂蜜甜甜地既蜜香加埋黑芝麻,雙重香脆🥡水牛城醬Tabasco 辣度剛好，汁唔太多，上面既青蔥增添香味，配啤酒一流！ 🥡死神醬店員特別強調辣的程度，作為嗜辣之徒既老公話要挑戰一下我就放棄了。外觀真係俾佢鋪滿紅卜卜的指天椒同火辣的醬料嚇怕，老公一口咬完即刻話好勁，超乎想像之辣，咀巴脷尖即刻有麻痺火燙既上天下地感覺，激辣既程度連佢都要回氣先食到下一啖，飲返一口甜檸茶解辣，投降！🥡咖啡香味外皮有點焦香味道，撕開香脆既皮層，嫩滑既雞肉渗著甘香既咖啡豆味，跟前幾款香口既醬汁配搭製作，
呢個星期唔食brunch buffet，黎試下呢間雞翼放題！
放題有3個種類，我地揀左10款口味連飲品，周末價每位$198。
先來一人一罐啤酒
🥡黑椒檸檬
滴幾滴新鮮清香檸汁係面，入口既黑椒味更加突出，椒粒既鈍感加埋連帶脆既翼皮，口感更豐富
🥡BBQ蒙古燒烤味
製作夠乾身，食落有一種大漠風沙既感覺，味道相對沉實一點，燒烤、孜然味道慢慢散發出來
🥡泰式甜辣醬
雞翼搭配不同口味既醬香，味道效果又有顯著分別，呢款泰式甜辣醬，外皮濕濕地味道充滿一份熱情夏日既甜中放辣既感覺，非常惹味開胃，好有熱帶風情
🥡紐奧良香粉 微辣既香粉好惹味
🥡黑芝麻海鮮蜂蜜
甜甜地既蜜香加埋黑芝麻,雙重香脆
🥡水牛城醬
Tabasco 辣度剛好，汁唔太多，上面既青蔥增添香味，配啤酒一流！
🥡死神醬
店員特別強調辣的程度，作為嗜辣之徒既老公話要挑戰一下我就放棄了。外觀真係俾佢鋪滿紅卜卜的指天椒同火辣的醬料嚇怕，老公一口咬完即刻話好勁，超乎想像之辣，咀巴脷尖即刻有麻痺火燙既上天下地感覺，激辣既程度連佢都要回氣先食到下一啖，飲返一口甜檸茶解辣，投降！
🥡咖啡香味
外皮有點焦香味道，撕開香脆既皮層，嫩滑既雞肉渗著甘香既咖啡豆味，跟前幾款香口既醬汁配搭製作，又有一份優雅從容既感覺
🥡巴馬臣芝士蒜蓉味
磨成乾粉般幼細既芝士，可以因應自己口味喜好再堆疊厚厚一層，夾埋外皮既蒜蓉醬，食落有一股香濃軟滑芝士奶香度，滋味指數爆燈！
🥡田園風味
翼皮之上有很多翠綠鮮嫩既葱粒，入口比較清新自然，葱味貫徹整隻雞翼。
2個人食左42隻雞翼🐔
食完都覺得好犀利，點解食得哂，不過真心好味推介🤣
張貼
