影片
更多
2018-05-07
1193 瀏覽
今日終於小編衝出元朗！去左中環同大家搵好西食。今次既主角，就係一間叫做Pici既意粉屋，佢最著明既記係手工做既意粉。首先介紹下前菜先，我地叫左Beef Tartar同埋肉丸。Beef Tartar就由芝士，生牛肉，同埋磨菇組成。牛肉好有嚼口，但又唔難咬，連埋d芝士同磨菇一齊食，好開胃。而肉丸就十分出色，肉唔會太乾好難入口，而且入面有薯蓉，令再佢好滑口。蕃茄好甜，好新鮮，就算就咁飲d汁都可以。主菜就叫左海鮮牛油果意粉，黑松露意粉同意大利雲吞。海鮮牛油果意粉係有蜆肉，有小小失望，但係蜆肉幾厚，冇咩調味令到佢保持左鮮味，意粉就有十分大量既牛油味，好香！最出色既係呢到既意粉做到好似拉面咁，真係好彈牙！黑松露意粉就算我之前係taste of hk既pici攤位試過，我地都決定翻炒。因為佢既黑松露醬好香，但又冇平價黑松露果種汽油味。黑松露亦都十分夠料。最後就係意大利雲吞，我地係親眼睇住佢猜皮，放粉，打蛋。重點都係d皮，彈牙到好似食緊拉面咁，一切開蛋漿流哂出泥。可惜冇咩肉碎，同埋得兩舊。不過整體上呢間野都可以得閒再泥下，因為我地食佢既套餐，每人$280就有兩個前菜，三個主菜同兩個甜品，兩個人食就夠哂
首先介紹下前菜先，我地叫左Beef Tartar同埋肉丸。
Beef Tartar就由芝士，生牛肉，同埋磨菇組成。牛肉好有嚼口，但又唔難咬，連埋d芝士同磨菇一齊食，好開胃。
而肉丸就十分出色，肉唔會太乾好難入口，而且入面有薯蓉，令再佢好滑口。蕃茄好甜，好新鮮，就算就咁飲d汁都可以。
主菜就叫左海鮮牛油果意粉，黑松露意粉同意大利雲吞。
海鮮牛油果意粉係有蜆肉，有小小失望，但係蜆肉幾厚，冇咩調味令到佢保持左鮮味，意粉就有十分大量既牛油味，好香！最出色既係呢到既意粉做到好似拉面咁，真係好彈牙！
黑松露意粉就算我之前係taste of hk既pici攤位試過，我地都決定翻炒。因為佢既黑松露醬好香，但又冇平價黑松露果種汽油味。黑松露亦都十分夠料。
最後就係意大利雲吞，我地係親眼睇住佢猜皮，放粉，打蛋。重點都係d皮，彈牙到好似食緊拉面咁，一切開蛋漿流哂出泥。可惜冇咩肉碎，同埋得兩舊。
不過整體上呢間野都可以得閒再泥下，因為我地食佢既套餐，每人$280就有兩個前菜，三個主菜同兩個甜品，兩個人食就夠哂啦。
Pici
地址：中環蘇豪鴨巴甸街24-26號地舖
張貼