影片
更多
2023-08-19
24 瀏覽
-🍴🍽🍴🍽🍴🍽 🦪🍢🦪🍝🍱 🍻 🍴🍽🍴🍽🍴🍽- 喜多嬉牡蠣屋推出咗90分鐘任食生蠔套餐，只要$498就可以任食日本直送嘅北木島喜多嬉牡蠣，仲有前菜、湯品、懷石料理、甜品，仲有任食嘅焗蠔、帆立貝、串燒同飲品任飲，而且生啤仲做緊買一送一優惠，$58可以兩個人任飲生啤，性價比超高！🦪生蠔放題 (1.5小時) $498 🥢時令海鮮湯 🆙湯用茶壺盛載再以蠟燭座熱。海鮮湯濃郁鮮甜，最後店員仲會將壺內嘅材料撈起，先發現原來入面有蝦同元貝🙈。🥢味淋魚乾 🆗魚乾燒得軟硬度適中，入口煙韌，魚味濃郁👍🏻。🥢喜多嬉懷石八品 🆙呢個懷石八品賣相超精緻，完全唔捨得食！店員建議我地先由比較淡味嘅羊羹順時針咁開始食，八品分別有：🦪伊勢海老羊羹 : 羊羹以木魚清湯製成，中間包裹住日本伊勢海老，羊羹好滑溜，海老鮮味都好足🤩! 🦪澳洲糖心鮑魚: 呢款鮑魚口感好柔軟，唔係煙煙韌韌個種， 鮮味幾出😋。🦪季節沙律: 沙律口感爽脆，味道非常開胃👍🏻。🦪手工月見燒雞軟骨棒: 燒雞軟骨棒配以日本雞蛋蛋液，蘸埋啲蛋液一齊食令到本身脆口嘅雞軟骨棒更香嫩。🦪喜多嬉牡蠣茶漬飯: 食落有陣陣蠔味，飯粒粒粒分明😆。🦪炭燒活鰻(二食): 鰻魚分別有
-
🍴🍽🍴🍽🍴🍽 🦪🍢🦪🍝🍱 🍻 🍴🍽🍴🍽🍴🍽
-
喜多嬉牡蠣屋推出咗90分鐘任食生蠔套餐，只要$498就可以任食日本直送嘅北木島喜多嬉牡蠣，仲有前菜、湯品、懷石料理、甜品，仲有任食嘅焗蠔、帆立貝、串燒同飲品任飲，而且生啤仲做緊買一送一優惠，$58可以兩個人任飲生啤，性價比超高！
🦪生蠔放題 (1.5小時) $498
🥢時令海鮮湯 🆙
湯用茶壺盛載再以蠟燭座熱。海鮮湯濃郁鮮甜，最後店員仲會將壺內嘅材料撈起，先發現原來入面有蝦同元貝🙈。
🥢味淋魚乾 🆗
魚乾燒得軟硬度適中，入口煙韌，魚味濃郁👍🏻。
🥢喜多嬉懷石八品 🆙
呢個懷石八品賣相超精緻，完全唔捨得食！店員建議我地先由比較淡味嘅羊羹順時針咁開始食，八品分別有：
🦪伊勢海老羊羹 : 羊羹以木魚清湯製成，中間包裹住日本伊勢海老，羊羹好滑溜，海老鮮味都好足🤩!
🦪澳洲糖心鮑魚: 呢款鮑魚口感好柔軟，唔係煙煙韌韌個種， 鮮味幾出😋。
🦪季節沙律: 沙律口感爽脆，味道非常開胃👍🏻。
🦪手工月見燒雞軟骨棒: 燒雞軟骨棒配以日本雞蛋蛋液，蘸埋啲蛋液一齊食令到本身脆口嘅雞軟骨棒更香嫩。
🦪喜多嬉牡蠣茶漬飯: 食落有陣陣蠔味，飯粒粒粒分明😆。
🦪炭燒活鰻(二食): 鰻魚分別有炭烤同燒汁兩種唔同風味。肉質彈牙厚實，食落新鮮冇腥味，魚皮亦好香脆🤤。
🦪明太子拌秋葵: 秋葵口感清爽，明太子亦有陣陣咸香味😋。
🦪雲丹松葉蟹配海膽: 松葉蟹肉上面有海膽做點綴，兩者嘅鮮味都好濃郁🙈。
🥢任食喜多嬉生蠔🆙/焗蠔🆗/焗帆立貝🆗
輪到最期待嘅環節，就係食喜多嬉生蠔，燒蠔同埋元貝啦！生蠔味道濃郁，新鮮又肥美，口感彈牙爽口，加埋少少蔥花同檸檬汁做點綴味道更加昇華。燒蠔同埋元貝可以揀原味或者蒜蓉味，個人比較鍾意蒜蓉，食落更加惹味🤩🤩。
🥢串燒任食 🆗
串燒有豬頸肉、雞腿肉、雞心、七里香、日本蕃薯仔、茄子選擇，肉類嘅外皮都燒到脆卜卜，火候控制得好好，唔會出現燒焦嘅情況👍🏻。
🥢松葉蟹五島手延烏冬 🆙
呢款烏冬麵比較幼身，麵質彈牙，松葉蟹鮮甜，湯底亦好清甜🫢。
🥢雪葩配櫻花 🆗
呢款雪葩造型好獨特，雪葩外層有兩塊櫻花型嘅餅夾住雪葩，另外伴碟仲配有一嚿煙韌嘅蕨餅。雪葩食落香甜清爽，仲好似有少少解膩嘅感覺🤰🏻。
😇 評價 𝗥𝗮𝘁𝗶𝗻𝗴𝘀 😇
食物 𝗙𝗼𝗼𝗱 7.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10
服務 𝗦𝗲𝗿𝘃𝗶𝗰𝗲 7.5/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8/10
整體 𝗢𝘃𝗲𝗿𝗮𝗹𝗹 7.75/10
-
🍴🍽🍴🍽🍴🍽 🦪🍢🦪🍝🍱 🍻 🍴🍽🍴🍽🍴🍽
-
🗺️ 喜多嬉牡蠣屋 (中環)
中環些利街2-4號LL Tower3樓
-
#bakdiu日本菜 #bakdiu生蠔 #bakdiu中環 #bakdiu中西區
張貼
