喜多嬉牡蠣屋 (已結業)

好耐無食放題，今日約左朋友去中環呢間喜多嬉牡蠣屋食生蠔放題，生蠔控即刻心心眼，餐廳有$498同$598兩款生蠔放題，當然食豪啲啦，除左生蠔、焗蠔同焗帆立貝任食之外，套餐仲有海鮮湯、小食同超IG-able既懷石八品等等，非常豐富👍👍👍$598生蠔放題 (2小時)🌟時令海鮮湯揀好左要咩放題套餐無耐，店員送上一壺海鮮湯同兩隻清酒杯，用清酒杯飲湯又幾特別，海鮮湯超足料，有蝦、帶子同大蜆，飲落好清甜🤤🌟味醂魚乾前菜小食有味醂魚乾，同朋友食住傾計就最正🌟喜多嬉懷石八品 飲完暖笠笠既海鮮湯同小食之後，店員送上一盤IG-able既懷石八品，由淡味既海帶羊羮開始食，之後順時針咁食，最後食最濃味既海膽松葉蟹，海膽松葉蟹上面加左金箔，望落矜貴又好食😋🌟任食喜多嬉生蠔、焗蠔、焗帆立貝話明係生蠔放題，當然唔少得主角啦，店員先送上一盤生蠔，上面加左柚子啫喱、蘿蔔蓉同蔥╴蠔身鮮甜肥美，每人食一打都唔過分丫，食完生蠔無耐店員就送上焗蠔同焗帆立貝，新鮮焗起香噴噴，上面加左蒜蓉粒，超正🌟串燒任食$598放題套餐包埋串燒任食，超豐富，有羊肉、豬頸肉、雞腿肉、雞翼、雞腎、雞心、茄子同日本番薯仔等多款日式串燒，一於每款都叫一串