CHUTNEY

去維園年宵前同🐗去Chutney食兔年最後一個週末午餐🫶呢間餐廳提供新派印度餐廳，最近仲推出左一個三道菜午餐套餐，連星期六、日都有提供！我地頭盤揀左雞肉沙律同埋燒章魚。兩碟都令人開胃，雞肉入味，生菜新鮮脆爽。燒章魚質感軟嫩，搭配印度辣椒醬，充分提鮮。主菜我地揀Achari beef short rib 同butter chicken。兩款肉質都炆到鮮嫩細軟。Achari 係一種印度醃菜，味道酸酸地。兩種不同嘅醬汁搭配原味同蒜蓉印度烤餅非常夾。提起烤餅，烤得鬆軟帶煙韌，每塊烤餅都非常大仲大過塊面。甜點係傳統印度雪糕，味道其濃郁帶堅果而味。形狀係雪條形，帶有番紅花獨特香氣，比一般雪糕更特別。餐廳氣氛輕鬆，午市套餐性價比高而好味！下次再試試晚餐！