影片
更多
2019-12-01
56 瀏覽
Pho Bar (中環)中環利源西街24號地舖-----上個星期二 媽咪突然去左打牌唔得閒煮Dinner 所以收工之後 B仔就約埋同事喺公司附近是但搵左一間越南餐廳做Dinner落腳點 餐廳位置雖然幾方便 近商業大廈又近地鐵站但係前面有少少鐵皮檔遮住 入夜之後位置唔算太容易搵😆-#至尊（$98）入面有生熟牛柳片 牛腩 牛肉丸 牛柏葉 牛展同扎肉材料好豐富 而且份量都比得多 樣樣野都最少有兩件 大胃王都完全夠食 當中最欣賞嘅係佢地嘅牛腩位 軟腍得黎又不失口感而湯底就湯色清澈 聞落清香得黎 飲落亦頗清甜 整體不過不失如果牛脂味可以再濃d就更好😊-#冰山燒豬頸肉（$48）雖然豬頸肉係熱嘅 但係佢會配一啲好冰嘅生菜俾你包住嚟食 所以入口嘅時候會有種先冰後暖凍熱交融嘅感覺帶蜜汁味嘅豬頸肉 好嫩口 加埋生菜一齊食 整體香甜唔油膩 唔錯🐷-#青檸梳打（跟餐加$20）泰國象牌啤酒相信好多人都飲過 但係泰國象牌嘅梳打水就唔多地方有得賣 呢度嘅青檸梳打就正正係用咗象牌嘅梳打水溝落青檸汁整成 由於呢隻梳打水氣泡特別強勁嘅關係 所以令到成杯平凡嘅青檸梳打變得唔平凡飲落個爽度唔輸飲可樂😋-----👶🏻B仔整體評
中環利源西街24號地舖
-----
上個星期二 媽咪突然去左打牌唔得閒煮Dinner 所以收工之後 B仔就約埋同事喺公司附近是但搵左一間越南餐廳做Dinner落腳點 餐廳位置雖然幾方便 近商業大廈又近地鐵站但係前面有少少鐵皮檔遮住 入夜之後位置唔算太容易搵😆
-
#至尊（$98）入面有生熟牛柳片 牛腩 牛肉丸 牛柏葉 牛展同扎肉材料好豐富 而且份量都比得多 樣樣野都最少有兩件 大胃王都完全夠食 當中最欣賞嘅係佢地嘅牛腩位 軟腍得黎又不失口感而湯底就湯色清澈 聞落清香得黎 飲落亦頗清甜 整體不過不失如果牛脂味可以再濃d就更好😊
-
#冰山燒豬頸肉（$48）雖然豬頸肉係熱嘅 但係佢會配一啲好冰嘅生菜俾你包住嚟食 所以入口嘅時候會有種先冰後暖凍熱交融嘅感覺帶蜜汁味嘅豬頸肉 好嫩口 加埋生菜一齊食 整體香甜唔油膩 唔錯🐷
-
#青檸梳打（跟餐加$20）泰國象牌啤酒相信好多人都飲過 但係泰國象牌嘅梳打水就唔多地方有得賣 呢度嘅青檸梳打就正正係用咗象牌嘅梳打水溝落青檸汁整成 由於呢隻梳打水氣泡特別強勁嘅關係 所以令到成杯平凡嘅青檸梳打變得唔平凡飲落個爽度唔輸飲可樂😋
-----
👶🏻B仔整體評價：7.6/10個👍🏻
👶🏻B仔抵食程度：8/10個👍🏻
👶🏻B仔環境評分：7/10個👍🏻
👶🏻B仔味道評分：8/10個👍🏻
👶🏻B仔回頭機會：7.5/10個👍🏻
-----
☺️快D跟住B仔一齊吞食香港啦！🤤
張貼
