CHUTNEY

呢間中環印度菜好有格調，走輕奢宮廷風，坐低望住大館個景，感覺好特別。最加分係開放式廚房，可以睇住師傅即場整串燒，好有風味。🌟前菜🐟炭火烤魚塊魚肉燒得幾香，外皮微焦，點啲紅菜頭醬好清新。🐚馬拉炒蜆鑊氣夠！蜆肉肥美，個汁酸酸辣辣好惹味。🐤招牌奶油咖喱雞果然係招牌！個咖喱好滑好香濃，帶少少奶油甜，啲雞好嫩，超好送烤餅！🥬菠菜苗煮蘑菇估唔到咁好食！菠菜同蘑菇都好入味，creamy得嚟唔膩，係個清新嘅配搭。🫓蒜蓉烤餅新鮮熱辣，蒜香味好出，外脆內軟，點咖喱汁一流！🫖Ginger Lemongrass茶 (一壺上)好舒服，薑同香茅味好夾，暖笠笠。☕️Masala Chai香料奶茶香料味真係好突出，好香！飲落暖胃，鍾意香料嘅人一定會愛上。🌟食物整體質素高，尤其係奶油咖喱雞同烤餅真係必點。環境舒服有特色，望住大館食飯感覺好chill。