拾伍 (已結業)

呢日終於嚟到最近好多人打卡嘅人氣cafe•拾伍。門面已經好吸引，充滿復古風。裡面樓高四層，包括有G/F Café & Bar、1/F VVVIN(Select Shop)、2/F 自由閣(Shisha Cottage)、天臺 自由閣(Sherwood Forest)。呢到嘅佈置一睇就知落足心機，整得好靚好細緻，可以話每個角落都係打卡位！連Menu都落足心機，手繪圖好精美！✨宮崎南蠻炸雞•弁當 $88用日式和風布包住木製飯盒，好日系，打咭一流！炸雞皮薄唔油膩，面頭仲有好多沙律醬😋配菜青瓜同芽菜味道酸酸辣辣，好醒胃！糖心蛋蛋黃半熟，呈流心狀態，蛋味香濃。仲有兩件珍珠米飯團，一件紫菜飯團同埋一件三文魚飯團，雖然賣相細細舊，但係其實都好飽肚。✨煙三文魚牛油果蟹籽沙律 $98非常清新嘅沙律，面層鋪滿脆卜卜，鹹鮮味十足嘅蟹籽，之後就係鮮甜嘅啖啖蟹肉，再下層就係香濃軟滑嘅牛油果，最底層有酸酸甜甜蕃茄粒。旁邊仲有香脆多士，新鮮爽甜沙律菜配流心蛋，好fresh呀🤤✨黑糖玫瑰咖啡 $52入口香甜，充滿玫瑰嘅香氣，又唔會蓋過咖啡味，好啱我口味😍✨御前小青柑普洱茶 $118味道香醇，帶甘香，入喉好舒服。