影片
更多
2025-08-08
0 瀏覽
今日lunch專登去威靈頓街試呢間新開嘅「一橋拉麵」，12點3個字殺到，門口條隊已經排到轉彎，心諗：「中環$60碗拉麵果然係打工仔恩物！」等咗15分鐘入座，鋪頭細細但掛滿紅燈籠，坐位有啲逼，不過冷氣夠猛，算係救命位。🍜 兩碗拉麵試真啲海老濃湯叉燒拉麵 ($59.9)個湯一上枱就聞到蝦膏香，飲落鮮甜帶油香，似用蝦殼蝦頭熬出嚟嘅濃郁感，飲到尾有少少黏喉，不過算係交足功課。叉燒得三片偏薄，瘦多過肥，咬落唔算好腍，但浸咗湯勉強合格。溏心蛋反而有驚喜！蛋黃流心又入味，仲有少少酒香。至於啲麵呢... 幼身似上海麵多過日式拉麵，掛湯力ok但煮得淋咗啲。如果鍾意濃蝦味可以試招牌豚骨叉燒拉麵 ($59.9)朋友嗌呢碗就清淡好多，湯底似港式豬骨湯溝淡版，唔算濃厚。叉燒同樣薄切兩片，邊位有少少燶香算加分。海老豚肉燒賣 ($19.9)：即叫即蒸熱辣辣！外皮用餃子皮包，咬落軟滑唔黏牙，入面蝦肉爽口仲有粒粒蝦籽，豬肉餡混咗少少肥膏好juicy，抵過茶樓點心。醬油糯米豚肉燒賣 ($19.9)：呢款好得意！糯米煙韌似食緊鹹肉糭，醬油味唔會死鹹，面頭啲芝麻仲吊出香味。不過一籠得3粒，大食仔可能要嗌兩籠先夠喉
🍜 兩碗拉麵試真啲
海老濃湯叉燒拉麵 ($59.9)
個湯一上枱就聞到蝦膏香，飲落鮮甜帶油香，似用蝦殼蝦頭熬出嚟嘅濃郁感，飲到尾有少少黏喉，不過算係交足功課。叉燒得三片偏薄，瘦多過肥，咬落唔算好腍，但浸咗湯勉強合格。溏心蛋反而有驚喜！蛋黃流心又入味，仲有少少酒香。至於啲麵呢... 幼身似上海麵多過日式拉麵，掛湯力ok但煮得淋咗啲。如果鍾意濃蝦味可以試
招牌豚骨叉燒拉麵 ($59.9)
朋友嗌呢碗就清淡好多，湯底似港式豬骨湯溝淡版，唔算濃厚。叉燒同樣薄切兩片，邊位有少少燶香算加分。
海老豚肉燒賣 ($19.9)：即叫即蒸熱辣辣！外皮用餃子皮包，咬落軟滑唔黏牙，入面蝦肉爽口仲有粒粒蝦籽，豬肉餡混咗少少肥膏好juicy，抵過茶樓點心。
醬油糯米豚肉燒賣 ($19.9)：呢款好得意！糯米煙韌似食緊鹹肉糭，醬油味唔會死鹹，面頭啲芝麻仲吊出香味。不過一籠得3粒，大食仔可能要嗌兩籠先夠喉
張貼
