八鍋堂．中日火鍋專門店 (已結業)

肥仔又想打邊爐，又想食日式野，可以點？咁岩係MK，見到兆萬好多野食，有間好岩肥仔口味，所以帶左佢去食。有自助吧。湯底: 四格自選鍋$68揀左沙爹，皮蛋芫西，豬骨同蕃茄濃湯，68元4個湯試哂又幾正，材料有齊，喜歡食咩湯底就食。特別的皮蛋芫西湯底一開始係舊招財貓黎，慢慢溶化做湯底，好得意。。火焗好大夠豬骨！個邊可以選擇肥牛，黑豚肉，牛小排等等，火鍋配料選擇多。有海鮮，如蜆，蝦，帆立貝，蠔，蟶子，象拔蚌，另外仲加左靚牛食。美國牛小排$60大大塊，咬落去好鬆化，牛肉味都好濃。覺得係必食！特選美國牛肉$20性價比高，牛肉味都重刺身壽司都好多選擇！刺身刺身有 三文魚、劍魚、甜蝦等。刺身都肥美。推介係三文魚！非常厚切！壽司🍣 有蟹棒、三文魚、左口魚等。飲品方面有： 都有啤酒、百事、可樂，支裝康師傅冰紅茶等。甜品🍮有雀巢雪糕，已經好飽，真係大滿足。又中，又日式，好抵玩。