吱吱朕 (已結業)

哩間吱吱朕一向都係我既囊中物，不過就一直都無黎過，呢度充滿咗中式嘅懷舊裝飾，但係食嘅嘢竟然係日本菜，淨係食個感覺都好特別。今日朋友同我慶祝生日所以就揀咗呢間餐廳，朋友一早打電話嚟book咗枱，但係我哋黎到既時候竟然無枱，話我地無book枱，要我地喺門口等位，等到原本有Booking嘅客人無黎到，我哋先有位，點解會咁架由於今日係happy星期五，未夠七點鐘已經爆曬人🥃🥃🥃🥃我同朋友唯有等下啦，等到差唔多八點就有位啦，成嗰鐘囉！！即刻打開個Menu睇吓有冇得飲先，朋友嗌咗莫節圖，我就嗌左哩度既Signature，朋友話佢嗰杯都唔錯，至於我個杯就覺得麻麻地啦，係有啲金橘未嘅cocktail 🍹🍹🍹🍹🍹不過我嗰杯野飲入面係有朵花，加分位！至於食物方面，嗌左嗰包青天，原來係原條巨大鰻魚飯，個鰻魚飯嗌咗冇攞就上枱啦，係就係幾巨型，不過一啲都唔熱，唔好食囉！我地再嗌左嗰表哥薯條，原來係粗紋薯條加左好多沙律醬，茄汁同埋啲芝麻同埋類似啲紅色既辣粉，不過唔辣既，整體感覺一般般啊，唔係話好特別。食完冇耐無啦啦全場熄燈唱生日歌，原來係唱俾我聽，氣氛又真係幾好喎，滿意既🎂🎂🎂🎂🎂🎂🎂🎂🎂🎉🎉