傷心酸辣粉 (電氣道) (已結業)

「酸到流口水，辣到流眼淚。」哩句真係由中學聽到而家，以前中學既時候好鍾意去食傷心酸辣粉，因為真係平靚正，今次再食，仲係回憶既味道，好懷念，但姐姐的青春小鳥已經一去不回來🥺而家餐牌上面多左好多選擇。🎈重慶麻辣雞煲（小）（小辣）$99雞煲味道濃郁，有麻香，啱晒重口味人士。而雞肉嫩滑，非常入味，食完之後可以加清湯同埋其他配料打邊爐。🎈酸辣粉配麻辣肥腸 （小辣）$54酸辣粉仍然咁好味！配料有肉碎、花生、芫荽等。番薯粉夠煙韌滑溜，湯底味道又酸又麻，夠香辣。而哩到既肥腸肥美，煮得夠霖，唔會難咬。🎈紅油脆耳 （小辣）$29豬耳非常爽脆，夠麻香，而且配有好多芫荽❤️都係好食推介👍🏻🥤凍海鹽柚子雪碧 $21及凍咸檸雪碧 $10兩款飲品都鹹鹹酸酸，重點係解辣一流！🌶️調味辣椒油 $29今次去食先知道傷心酸辣粉出左辣椒油，之前冇試過，今次一於買返樽返去試下，價錢都幾實惠。整體黎講，哩個價錢食到咁多嘢都幾划算，而且而家傷心酸辣粉既分店好多，諗唔到食咩既話，哩間都係平靚正之選。