11
1
4
餐廳: 傷心酸辣粉 (電氣道)
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.fhb.gov.hk/cn/our_work/feh/rssf.html

港鐵炮台山站 B 出口, 步行約5分鐘 繼續閱讀
所有分店 (11)
電話號碼
25110190
營業時間
今日營業
12:00 - 22:00
星期一至日
12:00 - 22:00
付款方式
AlipayHK 支付寶 現金 八達通 微信支付
其他資料
酒精飲品
電視播放
當面支付
招牌菜
傷心酸辣粉 皇版口水雞 重慶麻辣雞煲放題/香辣烤魚放題 水煮魚/酸菜魚 重慶辣子雞
食評 (21)
等級4 2021-05-08
86 瀏覽
「酸到流口水,辣到流眼淚。」哩句真係由中學聽到而家,以前中學既時候好鍾意去食傷心酸辣粉,因為真係平靚正,今次再食,仲係回憶既味道,好懷念,但姐姐的青春小鳥已經一去不回來🥺而家餐牌上面多左好多選擇。🎈重慶麻辣雞煲(小)(小辣)$99雞煲味道濃郁,有麻香,啱晒重口味人士。而雞肉嫩滑,非常入味,食完之後可以加清湯同埋其他配料打邊爐。🎈酸辣粉配麻辣肥腸 (小辣)$54酸辣粉仍然咁好味!配料有肉碎、花生、芫荽等。番薯粉夠煙韌滑溜,湯底味道又酸又麻,夠香辣。而哩到既肥腸肥美,煮得夠霖,唔會難咬。🎈紅油脆耳 (小辣)$29豬耳非常爽脆,夠麻香,而且配有好多芫荽❤️都係好食推介👍🏻🥤凍海鹽柚子雪碧 $21及凍咸檸雪碧 $10兩款飲品都鹹鹹酸酸,重點係解辣一流!🌶️調味辣椒油 $29今次去食先知道傷心酸辣粉出左辣椒油,之前冇試過,今次一於買返樽返去試下,價錢都幾實惠。整體黎講,哩個價錢食到咁多嘢都幾划算,而且而家傷心酸辣粉既分店好多,諗唔到食咩既話,哩間都係平靚正之選。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-14
41 瀏覽
相信鍾意食辣既朋友一定都食過傷心酸辣粉😏😏見最近都好耐冇食,於是就約左朋友一齊去聚聚舊~~🥘重慶麻辣雞煲(小) $99✨估唔到而家有得食雞煲,即刻叫返個黎試下🤣🤣我地叫左少麻少辣,上枱時已聞到好香~~雞肉份量都好多,口感嫩滑,仲好惹味🤤🤤呢個辣度對我地黎講啱啱好,食到好開胃~~🍜酸菜米線(+魚腐) $40✨本身驚個雞煲會好辣,所以叫左個酸菜米線中和下~~我地仲加左魚腐,食落脹卜卜,好有口感👍🏻👍🏻湯底酸酸地,配米線食十分夾~~🍱糖醋咕嚕肉飯 $37✨除左酸辣粉同米線,佢地仲有提供蒸飯😍😍我地試左咕嚕肉,酸酸甜甜好好食~~仲炸得好香脆,一啖食哂好滿足🥰🥰🍗香酥肉 (+$29)✨跟餐叫小食既話會有優惠,我地就叫左呢個香酥肉😋😋感覺有d似台灣既鹽酥雞,好香口!!份量都好多,十分抵食👍🏻👍🏻🌶️調味辣椒油 $29✨原來佢地仲出左自家製辣椒油,臨走前都買左樽支持下❣️❣️平時攞黎撈麵應該都幾滋味😆😆 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-31
470 瀏覽
傷心酸辣粉開咗咁耐我都吾食過,吾知D粉點傷心法....上年19年去珠海食過酸菜魚覺得好好食,好想在HK 再食試吓香港口味……今日去北角食LUNCH,見城市花園有呢間都有酸菜魚食,但吾知正吾正宗呢,不過都想試吓....酸菜魚係完條一爐,有埋其他配菜,兩個人食應該夠……我吾記得個阿姐話係咩魚,揀咗四樣餸:肥牛、芝士腸、生菜、薯粉,湯底本身有配菜:木耳、豆卜、百葉、金菇、酸菜,我哋都冇加其他嘢都覺得好飽,本來可以加少少錢轉任添菜同甜品,但都夠了……整體個烤魚味道係ok的,條魚都係啖啖肉 ,不過,我覺得啲酸菜吾係好酸……但都好味,我哋今次冇揀重慶辣……因為舖子地方吾大,所以坐得吾算鬆動……希望下次可再去試吓第二間…… 繼續閱讀
(以上食評乃用戶個人意見 , 並不代表OpenRice之觀點。)
等級2 2020-03-02
1531 瀏覽
突然想食個外賣頹飯 知道北角呢間不嬲會有限定既餐 又平 先$36.以前都有食開 覺得個汁唔錯 今日再黎食 完全唔知咩一回事?黑椒汁以前勁好食 勁有味 又感覺到辣 真係有水準果隻.果陣係完全估唔到酸辣粉鋪頭個黑椒汁會唔錯.但今日呢個完全唔知咩汁黎 有幾點黑椒撈埋就當黑椒汁咁.個色水影出黎好似排泄出黎既野咁 真係冇惡意.杯凍檸茶個杯蓋就冇窿 要打開個蓋黎飲 唔夠細心定係特別啲?外賣要多2盒花生又唔記得比喎 唔緊要啦 第日行多一轉姐.希望之後會有改善. 繼續閱讀
(以上食評乃用戶個人意見 , 並不代表OpenRice之觀點。)
等級2 2019-12-20
1001 瀏覽
好鐘意呢間店,每次帶同事黎,佢地都好開心。因為佢地酸菜魚同酸辣粉都好夠味(⁎⁍̴̛ᴗ⁍̴̛⁎) 同其他分店唔同,好多選擇,唔怕揀唔到野食。加上冬天涷冰冰,聽住烤魚既卜卜聲,真係好鬼興奮🥰⋯佢地烤魚好過好多店,條魚唔會散收收,性價比好高,二百幾蚊就有。出邊好多都收三舊幾,無咩料、唔夠料,條魚仲要係散。食到有時都嬲嬲地,而家有呢間店,次次食烤魚都唔洗要諗走邊,絕對係會黎呢間,再加罐加多寶清熱解毒。一級棒你地都黎試下啦! 繼續閱讀
(以上食評乃用戶個人意見 , 並不代表OpenRice之觀點。)