影片
更多
2018-11-17
34 瀏覽
開始入秋，最近最想食嘅就係打邊爐。喺尖沙咀唔想食啲連鎖火鍋店，然後搵到呢一間喺酒店樓下嘅餐廳，見啲評價都唔錯就決定入去食～由於我同朋友都唔算太肚餓，所以唔係嗌左好多嘢食。餐牌上嘅選擇都好多，丸類、豬肉都細分左好多食物🤩湯底我同朋友點左紅油藥膳鍋，一邊係麻辣湯底，另一邊就係藥膳湯。我建議食得好辣嘅朋友先嗌紅油鍋湯底，因為裏面有好多辣椒，食一啖都出晒汗🥵至於藥膳湯，味道唔算好濃，適合香港人口味。餐廳上菜嘅速度非常快👍🏼自製韭菜餃呢碟手工餃嘅餡料非常大，而且肉汁多，皮薄，平時喺出邊好少會食到好食嘅韭菜餃，呢碟我同朋友真係讚不絕口～點埋餐廳嘅招牌麻油嚟食，令食物更香!!!手卷牛舌花呢碟牛舌賣相精緻，最啱人影相打卡🤪雖然佢係冰鮮，但係張逐塊拆出嚟放入湯底度淥，如果時間控制得啱啱好，食落係非常彈牙！平時我麻麻哋鍾意食牛舌，但係呢碟真係又爽口，又有牛味，我非常鍾意～而且份量非常多，可以慢慢品嚐😍最後仲有嗌左啲菜類，餐廳洗得乾淨，食落都幾新鮮～但係最好就放喺藥膳湯底嗰邊淥，如果唔係就會吸晒啲油，感覺有啲油膩餐廳裝修好有中國風味，入去坐低嘅時候感覺好似返咗大陸咁添🤣食物質素一啲都唔差，想打邊爐不妨嚟呢間
由於我同朋友都唔算太肚餓，所以唔係嗌左好多嘢食。餐牌上嘅選擇都好多，丸類、豬肉都細分左好多食物🤩
湯底我同朋友點左紅油藥膳鍋，一邊係麻辣湯底，另一邊就係藥膳湯。我建議食得好辣嘅朋友先嗌紅油鍋湯底，因為裏面有好多辣椒，食一啖都出晒汗🥵至於藥膳湯，味道唔算好濃，適合香港人口味。
餐廳上菜嘅速度非常快👍🏼
自製韭菜餃
呢碟手工餃嘅餡料非常大，而且肉汁多，皮薄，平時喺出邊好少會食到好食嘅韭菜餃，呢碟我同朋友真係讚不絕口～點埋餐廳嘅招牌麻油嚟食，令食物更香!!!
手卷牛舌花
呢碟牛舌賣相精緻，最啱人影相打卡🤪雖然佢係冰鮮，但係張逐塊拆出嚟放入湯底度淥，如果時間控制得啱啱好，食落係非常彈牙！平時我麻麻哋鍾意食牛舌，但係呢碟真係又爽口，又有牛味，我非常鍾意～而且份量非常多，可以慢慢品嚐😍
最後仲有嗌左啲菜類，餐廳洗得乾淨，食落都幾新鮮～但係最好就放喺藥膳湯底嗰邊淥，如果唔係就會吸晒啲油，感覺有啲油膩
餐廳裝修好有中國風味，入去坐低嘅時候感覺好似返咗大陸咁添🤣食物質素一啲都唔差，想打邊爐不妨嚟呢間試吓👍🏼
張貼
