滿江紅小甜甜 (已結業)

係旺角行街嘅時候，遇到個老友，多年不見，太家都提議不如食飯，交流一吓近況，兩條友就係歐美廣場一樓嘅滿江紅小甜甜落腳，人流唔算多，易搵位，座低後侍應問，想食啲乜嘢，佢又介紹幾個特別菜式俾我地選擇，我揀咗一個可以配啤酒嘅回煱肉，黃酒豬手，老友叫咗一個沙渦雲吞雞，同生煎菜肉包，再叫侍應攞啤酒埋嚟先，回煱肉同黃酒豬手先嚟，回煱肉炒得好香，唔太辣，好惹味，配啤酒一流，豬手嘅酒味唔太濃但肉質好冧，配白飯正，跟住就係生煎菜肉包，最尾係沙煱雲吞雞啦，好大煲嘅雲吞雞，雲吞又多，雞肉又嫩，湯更加好味，同老友交換咗聯絡電話後，話下次再聚。