茶墨 (已結業)

一向都鍾意飲台式飲品，所以得閒都會搵東搵西嘗試新店，今次呢就搵到以水墨畫做主題嘅飲品店。題材非常新穎，店面都充滿咗濃郁的文化色彩，嘢飲嘅裝飾都用左水墨風。 環境方面，店面用咗開放式嘅格局，有大約六個企位，八至十個座位，主要係二人座位，適合情侶買杯嘢飲坐低慢慢享受。除咗嘢飲，仲有意式雪糕以及唔同種類嘅蛋糕。當日我哋就試咗兩杯嘢飲，一杯係黑芝麻麻薯鮮奶，另一杯係麻薯芋泥茉莉鮮奶綠。⭐️黑芝麻麻薯烏龍鮮奶招牌飲品，店員將黑芝麻當作墨水一般裝飾樽內，非常有詩情畫意，飲用鮮奶嘅時候就好似將文化一齊落肚，黑芝麻香漿烏龍味道壓咗下去，變咗係飲緊黑芝麻鮮奶，麻薯非常有咬口，唔錯！⭐️麻薯芋泥茉莉鮮奶綠飲落唔夠黑芝麻烏龍鮮奶特別，茉莉味唔出，芋泥同我哋一般飲開嘅台式芋泥有啲唔一樣，一般發揮。