海南村餐廳 (已結業)

出邊狂風暴雨，費事返屋企煮，與同事打算隨便解決晚餐。以前有聽聞海南村唔好食，但我都膽粗粗入黎試下。一人一個海南雞飯餐，雞骨見紅但啲肉好柴，薑蓉無薑味，餐湯鹹到死。所謂雞油飯，差過隔夜飯，飯中間有不知名的綿狀物，好核突。最差都係個馬拉盞炒通菜，認真未食過咁難食的炒菜！！！端上來時遠遠的就聞到一陣怪味，入口差啲嘔出黎🙄成陣腳臭味，蝦醬唔新鮮，變質的味道，由其個蝦米，腥到呢！臭雞蛋隻味，大家可以想像下。black list forever！！！又貴又難食，真心誠意劝大家唔好入去搵笨。