海南村餐廳 (已結業)

本人早上10點往此餐廳食早餐，叫了一盒牛肉蛋麵，牛肉超堅韌，煎蛋是凍的，公仔麵超級林，好似煮咗好耐咁。早餐牌上寫明早餐供應時間為上午七時至11時，但其中一位四眼男員工，於10:15走過來說，請先結帳，我跟他說，我還有朋友5分鐘後過來，他說你現在落單都遲咗啦，我就問：早餐唔係七點至11點呢？佢話11點呢度會清場，所以10點三一定要嗌，我話冇問題咁我等等，佢話冇得等㗎啦，你叫就叫唔叫就冇㗎啦，我認為員工對客人嘅態度無禮，加上食物唔吸引，我不會推薦也不會再光顧。

去澳門前黎左呢間諗住嗌海南雞飯一定冇錯，招牌菜實最穩陣啦，點知黎到勁難食，完全冇海南雞飯味，似係食白切雞飯，姜蓉又冇姜味。另外，仲叫咗肉骨茶，其實唔差，但係餐具有陣洗潔精味，又令我好反胃🤢我諗成餐飯最好食就係個飯同杯凍檸茶。

今天早上出發澳門，見有時候就揀了這間餐廳食個早餐。餐廳有中式同西式早餐，我地一行4人 都揀咗西式早餐。價錢一d都唔平，不過呢d位置都預左。我同兩個fd揀左湯麵餐，包個麵同兩餸, 同熱飲。另一個朋友份早餐：但係真係好失望，賣相以及味道實在麻麻，一食就覺得係福字麵果隻濃味精湯底，餸我叫了蛋同豬扒，冇咩特別。不過我同朋友杯奶茶又苦又澀，劣評！不過上菜好快，趕時間搭船可以食。坐都好舒服。但味道真係麻麻！如非必要，唔會想試。

話咁快又過左幾日既農歷新年假，又要返工啦！今日照常去海南村買腸粉食！上年一路食開都係$12，點知今日亞姐話$14。年後一加就加左$2！真心有點貴！仲要唔包野飲！但腸粉係好食既！加左價就覺得唔係好值呢個價🤦🏻‍♀️🤦🏻‍♀️🤦🏻‍♀️

腸粉$12有4條燒賣$10有5粒，價錢相對公道，已經唔係第一次食！之所以幫襯完一次又一次當然有佢嘅獨特之處啦！大家都可以喺相度見到啲腸係特別令身，因為佢嘅口感真係10分之滑，再配埋亞姐嘅嗱手好似混醬，混醬包括芝麻丶花生醬丶辣醬丶甜醬啦丶同埋豉油，真係無敵嘅配搭！真心冇得彈燒賣又好有魚肉味，呢兩樣野加埋真係最佳拍檔食得好飽又滿足！食完呢個早餐令我元氣十足，令我感到世界真的很美好，而美好的一天就是從這一刻開始！

今日朝頭早就會約咗一班同事，喺尖沙咀海南村食個早餐，因為今日我哋要喺尖沙咀工作所以選擇在這裡，入到去先環境寬闊，空間感很足夠，我點了1個餐蛋麵，好快就送上，味道正宗茶餐廳風味。

食物都係咁啦，款款30幾40。。正常價錢同幾個朋友食早餐，係尖沙咀食都怕貴，不過原來都屬正常價錢，吾會太貴。食物都係平時茶餐廳叫既款色。。不太特別。地方都算乾淨舒服

今日尖沙咀開工，開工前先食個早餐，叫咗個豬排、煙肉、煎雙蛋、多士加杯凍奶茶，盛惠$42；食物大致上ok，冇乜特別，不過塊多士就偏細，杯奶茶幾好飲但細坏，整體上我覺得一般般。

出邊狂風暴雨，費事返屋企煮，與同事打算隨便解決晚餐。以前有聽聞海南村唔好食，但我都膽粗粗入黎試下。一人一個海南雞飯餐，雞骨見紅但啲肉好柴，薑蓉無薑味，餐湯鹹到死。所謂雞油飯，差過隔夜飯，飯中間有不知名的綿狀物，好核突。最差都係個馬拉盞炒通菜，認真未食過咁難食的炒菜！！！端上來時遠遠的就聞到一陣怪味，入口差啲嘔出黎🙄成陣腳臭味，蝦醬唔新鮮，變質的味道，由其個蝦米，腥到呢！臭雞蛋隻味，大家可以想像下。black list forever！！！又貴又難食，真心誠意劝大家唔好入去搵笨。

My parents and the three of us had dinner there last night. We ordered Hainan Chicken, Curry Beef Brisket, Spare Rib Soup, Stir Fried Tofu and Stir Fried eggplant. The chicken looked beautiful but had a weird taste. The curry was on the sweet side and heavy on the coconut milk, but acceptable. The spare rib in the soup is absolutely tasteless. The tofu mediocre. SAD PART...my dad ate mostly the stir fried eggplant and some of the tofu, had diarrhea afterwards, no sleep, then vomit this morning.

中港城上船，諗住近近地食完才搭車，入去試下，叫左菠蘿炒飯，只有火腿粒，菠蘿粒少之又少，冇鑊氣。清炒生菜五十幾蚊份量太少連油菜份量都不如。炒貴刁炒燶咗，成碟只有燶味，十分難食，一定不會有下一次！

中午LUNCH 岩岩新地工作近近地去左中港城食飯入到去見到有印尼炒飯諗都唔諗即叫啦如果趕時間既人唔好點印尼炒飯, 食番呢間常餐 海南雞個D因為呢碟飯我都等左至少15MINS 或以上但係即炒 獲氣十足 飯香蛋正 有少少菜同瓜配合無咁熱氣沙爹串醬料正路係印尼口味, 好少地方食到, 呢碟飯對於一個女仔來講係大碟, 建議SHARE 兩份食 

本來去接男朋友船，點知架船仲有一個鐘頭先到，又有啲見肚仔餓，咁咪入呢間試吓囉，睇咗個餐牌好耐啲價錢都好貴吓，一個牛腩湯河粉都要七十幾蚊，咁不如食飯啦，叫咗個咖喱牛腩飯，好快有條友劈低個飯同個咖喱，個飯同個咖喱都係凍架，離曬大譜（我無投訴呀，因爲知道有啲人會加料喺你投訴嘅食物度，我食咗幾啖，無辦法食得落，所以俾錢走人）。賣啲嘢已經唔係平架啦，八十五蚊個凍飯，早講吖嘛，我去麥噹噹食個雪糕新地無咁嬲嬲朱

今日送個客人上船，係中港城順便食埋lunch. 見到de間餐廳好似係海南雞飯專門店甘，就入去試一試。我們兩人叫左同一個餐： 無骨海南雞飯 set lunch 配湯 （$72/set，另有加一）個雞很肥，厚厚的肥雞皮，就算我喜歡雞皮也食唔落因為層肥膏太厚。每件雞都有厚厚的肥膏，有可能因為廚房幫我地拆埋骨，每件肉的部份唔多。。。而且雞本身處理得麻麻地，不但沒有雞味還有點雪味，一點也不好吃。至於油飯，沒有雞油的香味，也不知為何不熱的，微微䁔的食落感覺有點硬。。。很失望！剛剛上openrice才知道此餐廳的食評很差勁。。。總之做下research甘就唔使中伏啦！

今日約左朋友一齊去澳門玩兩日！8點鐘開左既鋪頭不多...又唔太想食老麥不如試下呢間！坐好之黎！侍應又唔夠！叫極都冇人理！服務態度都幾差...野食到喇！朋友既螺絲粉直情冇味...而我地叫既出前一丁就好少少！可能有味粉啦！但個麵生到呢...硬到冇人有！我仲聽到隔離枱叫人落單又冇人理！理左又唔過黎！過到黎仲話唔彩人果個唔識落單！呢間野都真係唔休做...