影片
更多
2022-11-15
1363 瀏覽
《KATANA - 中環》星期五Happy Friday，收左工約左朋友去中環一間想試好耐既日式餐廳飲杯野順便食埋晚飯，餐廳喺電梯cross士丹利街既交界，外牆白色一橦好搶眼，次次行過都係諗住下次去試😂今次終於真係去到啦，不過記住book 位，因為我六點半去時聽到店員同啲walk-in 客講話今日已經fully booked，真係好誇張🤓我地被安排坐喺近門邊既角落位，燈光加上店舖內既裝修特別帶動到氣氛，我地一坐底就叫左支300ml既清酒飲住先，再慢慢叫野食😋💁🏻♀️君之井 山廢純米吟釀 $338清酒入口唔會太dry，飲落有豐富既層次感，先係辛口，再慢慢透番甜味出黎💁🏻♀️和牛他他 $98第一樣小食我地就叫左牛黎試下先，牛肉食落無筋，外圍有輕輕煎過，所以成件牛肉食落個質感都好唔同，先有少少咬勁，再到軟滑，點埋個酸酸既他他汁幾開胃💁🏻♀️梅水晶 $58自從上次喺另一間居酒屋食過梅水晶後就一直都好鍾意啦，梅水晶即係軟骨再配梅子醬👍🏻下面再用紫菜同青瓜絲墊住，一手就可以拎住成件啪落口😋味道濃郁又有爽脆既口感，好味😌💁🏻♀️燒鷄翼 $48我朋友想食雞翼，所以淨係叫左一隻比佢，我就只係咬左一啖，雞
星期五Happy Friday，收左工約左朋友去中環一間想試好耐既日式餐廳飲杯野順便食埋晚飯，餐廳喺電梯cross士丹利街既交界，外牆白色一橦好搶眼，次次行過都係諗住下次去試😂今次終於真係去到啦，不過記住book 位，因為我六點半去時聽到店員同啲walk-in 客講話今日已經fully booked，真係好誇張🤓我地被安排坐喺近門邊既角落位，燈光加上店舖內既裝修特別帶動到氣氛，我地一坐底就叫左支300ml既清酒飲住先，再慢慢叫野食😋
💁🏻♀️君之井 山廢純米吟釀 $338
清酒入口唔會太dry，飲落有豐富既層次感，先係辛口，再慢慢透番甜味出黎💁🏻♀️和牛他他 $98
第一樣小食我地就叫左牛黎試下先，牛肉食落無筋，外圍有輕輕煎過，所以成件牛肉食落個質感都好唔同，先有少少咬勁，再到軟滑，點埋個酸酸既他他汁幾開胃💁🏻♀️梅水晶 $58
自從上次喺另一間居酒屋食過梅水晶後就一直都好鍾意啦，梅水晶即係軟骨再配梅子醬👍🏻下面再用紫菜同青瓜絲墊住，一手就可以拎住成件啪落口😋味道濃郁又有爽脆既口感，好味😌💁🏻♀️燒鷄翼 $48
我朋友想食雞翼，所以淨係叫左一隻比佢，我就只係咬左一啖，雞翼本身已經用鹽醃過，食前唔點任何野都好夠味，特別係皮既位燒到有少少燶邊，十分香口💁🏻♀️雜菌天婦羅 $78
天婦羅係用黎送酒用的🤣有金菇、冬菇、雞脾菇、秋葵、南瓜等食材，炸皮薄而香脆，我個人覺得最好食係金菇❤️💁🏻♀️冷烏冬 $78
食左幾款小食，點都要叫番啲主食既，冷烏冬口感彈牙煙韌，可以加蘿蔔蓉落去個烏冬汁入面提鮮，烏冬一嗦入口都幾滑溜，係個汁稍為濃左少少姐💁🏻♀️千壽金磚玉子 $88
呢款炸豆腐熱辣辣既時候好好食😋上面既汁食唔出用左咩材料製作，但勁濃味同埋惹味，配番淡味既豆腐真係絕配💁🏻♀️牛湯茶漬飯 $78
第二round 既主食我地要左茶漬飯，一上枱就比佢兩大片牛舌吸引住啦，牛舌煮到好淋好易咬，而個茶漬飯食落就比較清新，熱熱地暖下個胃好舒服😌💁🏻♀️燒鱈魚干 $48
一早就應該叫鱈魚干先，真係好適合用黎送酒呢👍🏻鱈魚干燒到脆卜卜有啲似魚餅乾🍪點蛋黃醬好惹味
💁🏻♀️自家制免治雞肉軟骨 $48
見到隔離兩枱人都點左呢款串燒，我地都唔執輸叫埋一份😝免治雞軟骨咬落脆脆地，點勁多勁多蛋黃汁食真係超滿足🫶🏻食到少少串燒既焦香味，可以下次再encore💁🏻♀️荔枝豬肉卷 $32
最後一樣串燒就係荔枝豬肉☺️甜甜既荔枝加上咸味既豬肉，又咸又甜既感覺一向我都好鍾意😌而且咬落勁juicy，荔枝有助減輕豬肉既油膩感，成件事好夾😋總括就係呢間餐廳雖然位於中上環區，但價錢又唔會太離地咼，同埋啲野食味道幾好，飲住清酒🍶再食下串燒，最適合就係同朋友聚會時黎架啦，不過記住要book 枱，如果唔係可能會無位入架😝
張貼
