影片
更多
2021-10-18
1021 瀏覽
大班樓今年奪得世界50最佳餐廳第10名，亦係亞洲50最佳餐廳第1名，同埋拎左米芝蓮一星，訂枱既話起碼要三四個月後先有位，而呢餐係四個月前訂，我覺得值得等既，因為大班樓係我食過最好食既中菜😋夜晚有套餐，不過之前試過覺得有啲野食比較普通，散叫會比較好，今次大部分菜式都係試過覺得好先叫既凍鹵水花椒小吊桶 ($188) (要預訂)鹵水好出色，食完帶小小麻，吊桶入味同埋質素唔錯，但未算好鮮甜金錢蟹肉香菇盒 ($78/件)金錢蟹盒係手工繁複既懷舊菜，好少粵菜餐廳會有，我都淨係係大班樓食過，做法大約係將兩塊肥豬肉夾著餡料再炸。炸得酥脆乾身，一咬落去成口都係極香既豬味，就算係肥豬肉但係完全唔會油膩，餡料同粉果既餡幾相似，不過會多左蟹肉，但冇咩蟹味，就算係咁我都覺得好好食😋第一刀叉燒 ($98/件) (要預訂)第一次食呢舊叉燒果陣我係食到呆左，完全相信唔到食緊既係叉燒🤯🤯🤯之後每次黎食我都一定會叫叉燒，我覺得係大班樓整得最好食果樣野。叉燒厚切，半肥瘦，亦帶有燶邊，食落軟淋而有咬口，最突出既係極香既煙燻味，再加上肉香，燶邊焦香，好食到顛🤯我食過佢地叉燒三次，有兩次係全舊半肥瘦，而最近果次就有三分一係瘦，其
夜晚有套餐，不過之前試過覺得有啲野食比較普通，散叫會比較好，今次大部分菜式都係試過覺得好先叫既
凍鹵水花椒小吊桶 ($188) (要預訂)
鹵水好出色，食完帶小小麻，吊桶入味同埋質素唔錯，但未算好鮮甜
21 瀏覽
0 讚好
0 留言
金錢蟹肉香菇盒 ($78/件)
金錢蟹盒係手工繁複既懷舊菜，好少粵菜餐廳會有，我都淨係係大班樓食過，做法大約係將兩塊肥豬肉夾著餡料再炸。炸得酥脆乾身，一咬落去成口都係極香既豬味，就算係肥豬肉但係完全唔會油膩，餡料同粉果既餡幾相似，不過會多左蟹肉，但冇咩蟹味，就算係咁我都覺得好好食😋
17 瀏覽
0 讚好
0 留言
第一刀叉燒 ($98/件) (要預訂)
第一次食呢舊叉燒果陣我係食到呆左，完全相信唔到食緊既係叉燒🤯🤯🤯之後每次黎食我都一定會叫叉燒，我覺得係大班樓整得最好食果樣野。叉燒厚切，半肥瘦，亦帶有燶邊，食落軟淋而有咬口，最突出既係極香既煙燻味，再加上肉香，燶邊焦香，好食到顛🤯
我食過佢地叉燒三次，有兩次係全舊半肥瘦，而最近果次就有三分一係瘦，其餘半肥瘦，瘦肉都係好食既，鬆化有肉味，不過我偏好半肥瘦叉，食叉燒冇肥膏都係差咁啲
16 瀏覽
0 讚好
0 留言
羊肉串 ($120/位) (要預訂)
羊肉燒得超香，肉味唔算好濃但羊脂味極香，調味同平時食既土耳其羊肉串幾相似，但更複雜細膩，將羊肉既香發揮到極致，真係好食到連油都飲埋🤤
18 瀏覽
0 讚好
0 留言
脆皮羊肋骨 ($108/件) (要預訂)
比起羊肉串，羊肋骨肉味濃好多，表面炸得脆，肥瘦均勻，肥膏入口即融，羊肉軟淋重羊味，味道同咖喱羊腩接近，係好出色但調味上冇羊肉串咁有心思
11 瀏覽
0 讚好
0 留言
樟木煙燻鵝 ($600/半隻) (預訂)
上菜時會將隻鵝分開頭、頸、身、脾幾部分，基本上每個部分都係皮脆肉嫩，係質感同嫩滑程度有分別，我好少食鵝頭同鵝頸但啲肉係好滑好好食。比較突出係煙燻味同埋香料既麻味，鵝味唔算好濃，但已經好食到停唔到🤤
16 瀏覽
0 讚好
0 留言
18 瀏覽
0 讚好
0 留言
16 瀏覽
0 讚好
0 留言
胡椒清湯牛坑腩 ($288)
牛腩淋滑有咬口，平時食既牛腩要靠脂肪先會覺得有牛味，但呢到既牛腩冇咩脂肪都好重牛味，湯好清甜又重胡椒味，蘿蔔淋甜，腐竹有豆味但比起之前食豆味淡左，但都好食。每次食完牛腩後我有一排係唔會出街食牛腩，因為差太遠
13 瀏覽
0 讚好
0 留言
慢煮乾葱煀滑雞 ($250/半隻)
雞表面既乾蔥質感同味道好似焦糖洋蔥，送飯一流。雞皮香口，雞肉嫩滑有雞味，好好食😋
11 瀏覽
1 讚好
0 留言
杞子雪糕 ($48/位)
雪糕我覺得係必食既，奶香味超濃，甜而不膩，每次食都好想成桶雪糕拎返去食😍
12 瀏覽
0 讚好
0 留言
山渣桂花榚 ($24/件) 臭草綠豆餅($27/件) 麻蓉包 ($24/件)
桂花榚同綠豆餅都好出色，麻蓉包就一般
9 瀏覽
0 讚好
0 留言
雖然我好鐘意大班樓，但唔係每一樣野都好食，至少海鮮我每次食都覺得麻麻。大班樓招牌菜係雞油花雕蒸大花蟹配陳村粉，但我果次食真係覺得好普通，蟹肉係冇鮮甜味咁濟，而個汁既花雕味太霸道，食唔到其他味，個陳村粉吸左汁都只不過係花雕味既粉，同埋價錢真係貴，印象中要$800，果陣同三個朋友一齊食，個個都覺得麻麻。之後都有試過蝦、蜆，但都鮮甜味不足，所以呢餐食既差唔多全部都係肉類
每隔一段時間就會有新既菜式，但未必會係佢地餐牌上面見到，只要你講得出個菜名而又有貨既話就可以食到，所以每次食都有好多野想試😋
價錢: $920/位 (有加一)
環境: 8.5/10
味道: 10/10
性價比: 9.5/10
張貼
