Running 燒 (已結業)

今日中午好想食韓燒，因為好肚餓所以上OpenRice主力搵韓燒放題，見到Running燒做緊全單七折，而且食評都唔錯所以決定去試吓。午市韓燒放題$208，110分鐘，全單七折。我哋冇book枱但都有位。 餐廳細細間，但唔會好迫。豬牛雞羊海鮮等肉類選擇都幾多，仲有其他小食、飯、麵、蔬菜、汽水、茶，可惜無海鮮辣豆腐鍋。醬汁係自己出去攞，有蒜蓉、大醬、韓式辣醬等等。肉類嘅質素唔錯尤其是醬汁牛五花肉、辣味豬頸肉、黑豚肉。帶子、大蝦都幾大隻。水冷麵好煙靱、但無味，好淡。因為趕時間，所以好匆忙食完就走，好多放題紙上嘅食物都無試，但以這個價錢，食物質係唔差嘅。希望遲啲可以再嚟試埋其他食物。