影片
更多
2017-08-19
104 瀏覽
仲記得細個個陣，媽咪時常都帶我去食日式鐵板燒，因為全部食材都係煮到全熟，咁就唔怕會食到生冷野，到而家長大左食日本菜生熟食物都會食，反而鐵板燒真係好耐無食過，今日帶左媽咪去食鐵板燒晚餐，真係令我勾起唔少情懷回憶餐廳位於亞士厘道既大廈上樓鋪，都幾容易就搵到，可能今日係閒日，所以一入餐廳就即可入座，我地被安排坐二人枱，餐廳除左獨立二人枱之外，仲有廚師前面既吧枱位，可以睇住廚師一顯功架餐牌除左有散叫菜式之外，仲有套餐選擇，我地唔想煩就叫左個鐵板燒特選二人套餐話咁快就上第一道前菜，火炙呑拿魚腩、北海道螺肉沙律配紅梅汁，沙律配紅梅汁第一次食，食落微酸又易入口，清新得黎又幾開胃食完沙律後就食一小塊既呑拿魚腩，經煎熟後聞到好香，入口軟熟帶油份，底層係爽脆無味既白海藻，點埋柚子醋一口食有酸酸味道，而且減少左油膩度，螺肉鮮味度高，煙韌口感，唔錯為依個充滿回憶既鐵板燒打開美麗既序幕，又點止沙律咁簡單，依道意大利多士配蕃茄他他，多士咬落香脆帶濃郁既牛油香，蕃茄拌煙三文魚粒整成既他他配食，有濃郁既蕃茄香，帶微酸味道幾醒胃食多士伴湯飲先至係完美組合，我地兩人一齊揀感左松露蘑菇湯，旁邊放左一小份黑松露，先將黑松露放
餐廳位於亞士厘道既大廈上樓鋪，都幾容易就搵到，可能今日係閒日，所以一入餐廳就即可入座，我地被安排坐二人枱，餐廳除左獨立二人枱之外，仲有廚師前面既吧枱位，可以睇住廚師一顯功架
餐牌除左有散叫菜式之外，仲有套餐選擇，我地唔想煩就叫左個鐵板燒特選二人套餐
話咁快就上第一道前菜，火炙呑拿魚腩、北海道螺肉沙律配紅梅汁，沙律配紅梅汁第一次食，食落微酸又易入口，清新得黎又幾開胃
食完沙律後就食一小塊既呑拿魚腩，經煎熟後聞到好香，入口軟熟帶油份，底層係爽脆無味既白海藻，點埋柚子醋一口食有酸酸味道，而且減少左油膩度，螺肉鮮味度高，煙韌口感，唔錯
為依個充滿回憶既鐵板燒打開美麗既序幕，又點止沙律咁簡單，依道意大利多士配蕃茄他他，多士咬落香脆帶濃郁既牛油香，蕃茄拌煙三文魚粒整成既他他配食，有濃郁既蕃茄香，帶微酸味道幾醒胃
食多士伴湯飲先至係完美組合，我地兩人一齊揀感左松露蘑菇湯，旁邊放左一小份黑松露，先將黑松露放入湯中一齊拌匀再飲，好香濃既松露味，口感順滑無渣，飲完一D漏既感覺都無，唔錯啊
開始食我地既主菜啦，翡翠鮑魚配柚子醋汁既賣相好吸睛，鮑魚口感好軟熟，韌度有餘，食完一口再切小塊翠肉瓜，味道清新帶陣陣菊花香，確實值得推介
另一道西班牙紅蝦配蕃茄辣汁，依隻紅蝦食落比一般既蝦更重蝦味，點少少蕃茄辣汁令鮮甜度提升左，蕃茄辣汁甜甜地惹味又開胃，旁邊係蝦膏炒蛋，入口好香蝦膏味，鹹度適中，估唔到依個蝦膏炒蛋味道會出奇地夾，而側邊係炒蝦腳，口感酥脆可口，有D似蝦米脆脆，幾得意
套餐中有三款肉類可揀，我地揀左和牛肉眼心同牛舌心，兩款分別都配岩鹽同芥末調味，肉眼咬落肉質較實，肉味幾濃，咬個時軟熟兼有油甘香，食個時有陣陣既邪惡感
而牛舌心件件厚切，熟度啱啱好，入口爽嫩有咬口
等到頸都長既
牛肉薄燒終於黎啦，旁邊一樣配岩鹽同芥末，薄燒味道香濃，煎得好軟熟，一入口就好多肉汁湧出，入面捲住牛蒡漬同芥末昆布，牛蒡既香味同爽脆昆布既配搭整體好夾兼好食
差不多食到尾聲，依碗小女子炒飯一人一碗份量都幾多，炒得有穫氣，粒粒飯都好分明，食落甜甜地幾香口
食咁多肉，食返個炒雜菜清減一下，芽菜、香菇、椰菜一齊炒，清香得黎唔太油膩
為依餐畫上句號前，食甜品在所難免，發酵蘋果撻係凍食甜點，蘋果味濃郁且一D都唔甜，好似食緊蘋味一樣，柚子雪芭味道清爽酸甜，好解膩，食飽飲啖茶就回家去，今餐我地都好滿意，無論味道、服務一樣讚!
張貼
