星林居酸辣米線餐廳

營業中

休息中

一直都聽到好多好評嘅星林居米線，今日終於可以一試啦，行左3層樓梯，樓梯都長，上去有點吃力🙈🙈入到去有點舊嘅裝飾，唔需要等位嘅，人唔算多，自己搵位座就可以。店內環境，檯，凳好似有點油，衛生有待改善。食物方面我就叫左小窩米線，豬腸，墨丸，走韭菜，小酸辣，飲品就凍奶茶。上菜速度快，大約5分鐘左右，已經上左米線同飲品，米線係淋嘅，酸比辣多，醒胃可口，肉碎不油的，味道不錯，如果喜歡辣點再辣一點，豬腸入味的，唯一有點遜色係墨丸，中間唔夠熱。飲品凍奶茶茶味唔夠，甜度適中，可以接受。價錢方面兩餸米線加飲品$65價錢偏貴的