影片
更多
2004-06-14
113 瀏覽
因為鍾情老店又喜歡試小店，所以私房菜是不多吃，今次純粹是朋友盛意邀請，加上日本朋友亦想試試私房潮州菜，所以星期五晚就摸上來了。呢度位於和安樓，門口掛著一個貿易公司的招牌，單看門面永遠都不會知入面係有野食的。估以前應該係一間公司，不過而家就用了來做私房菜，據聞都做左幾十年的了。裝修欠奉，坐的都是摺櫈。地方不太大，有一個大廳及兩個偏廳，只可以開一張12人大檯，一張十人檯，同一張八人檯，我們幫襯的那晚是全滿。全店只得樓面同廚房兩人，那位樓面阿叔一眼關七，招呼都唔錯。我們七個人，人齊就起菜。我們叫了六菜一湯一甜品，分別是蠔餅、鹵水鵝、炸蝦球、炒鮮魷、蒸鷹倉魚、魚乾炒芥藍，湯是胡椒豬肚粉膠湯，甜品是反沙芋。先來的是一大塊煎蠔餅，雖然用的蠔仔不算大隻，但煎得兩邊乾脆，加上魚露及胡椒粉，口感不俗。吃煎蠔餅至怕吃到濕濕的，又或是一口馬蹄粉的，這裡的做得有水準；鹵水鵝幾大碟，鵝肉軟熟，鹵水入味，這裡的鹵水鵝比坊間的是亳不輸蝕；除了鹵水鵝，亦有幾片豬耳亦是非常出色，炆得入味不韌，但仍保持口感，加上墊底的鹵水豆腐，席間紛紛叫罐藍帶來一路飲一路食。又份量十足，幾個人食左一輪都仲有得食；炸蝦球同炒鮮魷都有蕃茄片
呢度位於和安樓，門口掛著一個貿易公司的招牌，單看門面永遠都不會知入面係有野食的。估以前應該係一間公司，不過而家就用了來做私房菜，據聞都做左幾十年的了。裝修欠奉，坐的都是摺櫈。地方不太大，有一個大廳及兩個偏廳，只可以開一張12人大檯，一張十人檯，同一張八人檯，我們幫襯的那晚是全滿。全店只得樓面同廚房兩人，那位樓面阿叔一眼關七，招呼都唔錯。
我們七個人，人齊就起菜。我們叫了六菜一湯一甜品，分別是蠔餅、鹵水鵝、炸蝦球、炒鮮魷、蒸鷹倉魚、魚乾炒芥藍，湯是胡椒豬肚粉膠湯，甜品是反沙芋。
先來的是一大塊煎蠔餅，雖然用的蠔仔不算大隻，但煎得兩邊乾脆，加上魚露及胡椒粉，口感不俗。吃煎蠔餅至怕吃到濕濕的，又或是一口馬蹄粉的，這裡的做得有水準；
鹵水鵝幾大碟，鵝肉軟熟，鹵水入味，這裡的鹵水鵝比坊間的是亳不輸蝕；除了鹵水鵝，亦有幾片豬耳亦是非常出色，炆得入味不韌，但仍保持口感，加上墊底的鹵水豆腐，席間紛紛叫罐藍帶來一路飲一路食。又份量十足，幾個人食左一輪都仲有得食；
炸蝦球同炒鮮魷都有蕃茄片及炸川椒葉伴碟，蝦球不算大隻，但都有鮮味，應是新鮮貨，味道辣辣地，又係送酒良品；單看炒鮮魷以為是尋常菜色，但吃落個個都覺得很好味亦很治味，問個阿叔用咩野可以炒到咁好味，佢話原來係用蠔油炒。面對呢兩味一炸一炒，人人都紛紛加酒;
蒸鷹倉只半邊頭，不大條而味道淡淡的，食下食下又清了碟；魚乾炒芥藍都幾好，芥藍條條油潤，不錯；胡椒豬肚粉腸湯很足料，胡椒味夠晒濃，好正。湯渣如酸菜、豬肚等都炆得又腍又好味，都不要錯過；最後還有一碟反沙芋，香脆又甜美，芋頭粉香，令人吃克又吃，呢碟份量又係唔細，每人都可以食到五、六件芋頭，夠晒喉。
飲埋功夫茶，總括來說是幾有水準的潮州菜。而日本朋友都非常喜歡，尤其是鹵水鵝片及兩味炸及炒的菜色，話下次我再去熊本公幹的話也帶去吃當地的私房菜呢！
埋單九百多，一人百五也不用，以食物質數來說是物有所值。不過要留意呢度裝修欠奉，不似一般西式私房菜賣環境賣氣氛，反而適合一班朋友柴娃娃來吃。
張貼