影片
早排同食友happy hour之後，又來吃潮州私房菜。其實吃了這麼多年，每次來吃都聽見佢話退休，但吃來吃去都仲食緊。是晚與公司的幾個重要人物來吃，一行九人，等我一個，真係唔好意思。呢度照舊的無招牌、無裝修、無排場、無招呼，來吃的都預左。吃什麼不用傷神，因為來來去去都係果幾味，我唯一的要求是要上湯先。胡椒豬肚湯已吩咐落重胡椒，是鮮香夠味。同煲的豬肚亦軟腍好味，也不可以錯過；這裡的煎蠔餅是偏濕一點的，並非新派的炸蠔餅，幾香蛋味亦多蠔在內，算有水準；鹵水鵝仍然大堆頭，當時鵝肉當然比現在的好好多，肉質嫩而不韌。由鵝片到鵝件到鵝什仲有鵝掌翼，加埋豬耳及堆底的炸豆腐，可以一次過滿足好多個願望。鹵水味足，如果這一味都失手的話，也找不到很多理由再摸來吃；川椒雞球幾時都係炸川椒葉好吃過雞塊，微苦帶甜的味道，又夠香口，用來下啤酒最適合，又是給我清了碟；油泡蝦球是另一味上佳下酒菜，蝦球偏向味道多過脆脆的口感，都不錯；沙爹牛肉炒芥蘭是一味考師傅的菜色，要知間舖頭對不對路，吃過這一味可知一二。這裡炒得幾香，芥蘭夠酒味，牛肉沒有經化學品「招呼」過，不錯，略嫌是炒得過熟了一點，不算嫩滑，這裡的沙爹牛肉炒芥蘭，是不錯；沒有倉魚，來了條蒸烏頭，不過在香港已沒有多大興趣吃這一味菜；吃過菜後最後來了個炒飯，是舊式炒法，不算乾身但夠味道；甜品是十年如一日的反沙芋，吃的時候正是芋頭開始當做，炸得熱辣辣又脆口，芋頭軟腍又香甜，幾時都是飽都要食幾舊的。埋單又要「俾咁易」爭下，唔使講要爭輸，好似係千四蚊，不過食左咁多年，都唔知佢用咩準則收錢的，總之食得滿意就算。題外話：上面幅鹵水鵝拍得好「靈異feel」，其實無野，唔記得左set番個白平衡而已。
繼續閱讀
朋友介紹，即本上去試試。一試之下發覺好普通。蠔餅：蠔仔好細粒，又少。卥水鴨：須然幾大堆頭，但卥水味淡，豉油味濃，似豉油鵝多過卥水鵝。川椒蝦：ＯＫ，蝦算幾爽，幾大隻。油泡鮮魷：一般檸檬烏頭：一般鹹魚芥藍：芥藍好嫩，好味。反沙芋：炸芋頭塊再沾上沙糖，唔錯。 須然唔算太貴，不過地方簡陋，以咁既價錢，可以有其他更好選擇，況且以私房菜自稱，有Ｄ過譽。個人就推介厚福街既正仁利潮州菜館，價錢唔貴，真才實料又好味。
繼續閱讀
上個星期有日老闆神神秘秘咁話帶我地去蘭桂芳食潮州私房菜...跟住就帶左我地黎到和安里o既一楝舊樓裡面. 同一般私房菜格局唔同, 呢間無豪裝無表演, 只係一般舊樓裝修, 檯櫈似大排檔, 咁樣反而令我地覺得係真材實料.老闆一早就訂左幾碟餸, 坐左無幾耐就有得食啦...1) 白飯魚煎蛋-- 簡簡單單o既家常菜, 但係反而係我地一眾女同事全餐最激賞o既一碟菜!!!煎蛋脆口, 一d都唔油膩, 調味剛剛好! 酒樓蒸魚碟咁大o既煎蛋係5分鐘內就清碟!2) 卥水鴨-- 卥水做得好, 鴨夠份量, 啖啖肉. 呢個就得到男士o既青睞! 當各男士o係度爭奪鴨片時, 老闆同一位女同事就搶豬耳! 怕肥o既女同事就食墊底o既豆腐.3) 炸中蝦-- 海鮮啦喎, 就當然係較受女同事歡迎啦! 蝦唔算大隻, 但係有鮮味! 4) 炆豬蹄-- 再一次係較受男士歡迎o既一碟菜. 女同事都怕左厚厚o既豬皮, 只敢淺嚐, 大多數時間都係夾墊底o既菜心. 豬蹄調味調得唔錯, 送酒一流, 可惜下晝仲要返工, 各男同事只能輕嘆!5) 炒白菜-- 老闆驚我地女仔投訴無菜食, 所以特登加呢碟. 呢個無乜特別, 只係白菜一碟.6) 炸芋頭-- 炸芋頭鋪滿砂糖, 其中一位好甜o既女同事直頭係食唔停口. 但係芋頭有d好淋有d就較實, 大家好似抽奬咁睇自己好唔好彩.雖然食完有少少口渇, 但係都係食得好開心o既一餐!
繼續閱讀