Mini Friday (銀城廣場) (已結業)

琴日喺旺角做野，專登搵定餐廳可以放工喺附近食晚餐！揀咗呢間環境唔錯地點又方便嘅Mini Friday ～一坐低店員就送上呢碟脆脆，又幾香口！我地點咗個Dinner Set 包括前菜、湯、主菜及餐飲。前菜係田園沙律，入面有沙律菜、車厘茄、粟米，仲有啲乳酸爆珠。我走咗沙律醬，夠哂健康！是日餐湯係羅宋湯，幾濃郁，酸酸味味。主菜香煎三文魚配刁草忌廉汁，三文魚煎到外脆內軟，伴碟有蘆筍、粟米仔、蘿蔔粒，仲有黑松露薯蓉。個薯蓉嘅松露味好濃，而且幾滑。最後叫埋杯凍檸茶，夏天飲佢好爽！辣肉腸帕爾馬火腿薄餅餅底好香脆，Parma Ham味道咸香，芝士仲拉到絲添，中間鋪上火箭菜味道清新得嚟又解膩！