稻庭養助 (已結業)

久聞依到嘅食物質素高水準，藉同朋友一聚，試試佢虛實。我地4個人叫左4個set，對女仔黎講1個set嘅份量好足(好多飯！)。黎到稻庭養助就當然要試下佢出名嘅烏冬， 我地熱食凍食同沾烏冬都有叫到。佢地嘅烏冬比平時食開嘅幼身，質地好滑！不過烏冬浸熱湯會好快淋，我地越食得後就越覺得似上海麵，而凍食/沾烏冬就即使慢慢食都keep到烏冬果種些少彈牙嘅口感。炸物刺身同出面食嘅差不多，算唔錯，不過餐飲太多冰啦，佔緊成半杯，但總括而言我地都食得幾滿足。