古早牛肉麵 (已結業)

兩小口周末繼續喺深水埗發掘未試過的小店，今次就試左一間喺黃金商場附近的台式餐廳。餐廳舖面不大，座位與座位之間相距比較近，比較逼夾。🧡半筋半肉麵牛肉麵湯底雖然深色但入口清清地，唔會話好咸好濃味，飲落不油膩。麵質方面，呢到既麵條都幾有咬口，麵粉味不算重，不過份量有啲少。牛筋同埋牛腩都炆得好腍好入味，全部都好易咬開。🧡蚵仔煎蚵仔煎的皮薄薄的，口感煙韌，面頭加了台式醬汁特別惹味。不過中間的蚵仔餡料偏少，而且蚵仔的size都是小小的一粒，感覺不太足料。🧡冬瓜茶自己很怕飲到太死甜的台式飲品，好彩這杯熱冬瓜茶甜度剛好，沒有死甜之餘還有淡淡的黑糖香味，在冬天飲返杯即刻全身都變得暖笠笠。