一葉台灣料理

營業中

休息中

推介芋頭湯米粉、炸蚵仔、酸菜魚！ ！芋頭米粉本身就係香港嘅台灣菜餐廳好少見，佢個湯底好鮮甜，應該係用咗好多蝦仔嗰啲去熬製嘅，芋頭好夠粉，好好食，再嚟嘅話一定會叫多次。炸蚵仔好容易會覺得好腥，呢度嘅炸蚵仔好鬆脆，又鮮甜，一啲都唔腥，連我唔鍾意食蠔我都食咗好多舊！酸菜魚都唔錯，佢唔係好辣嗰隻酸菜魚，但係好醒胃，個人可以覺得再酸啲。相對唔太推薦：鹽酥雞、炒牛肉、羊肉米粉。鹽酥雞唔夠香脆，炒牛肉啲牛肉葉得太犀利，冇咗牛味，羊肉米粉九層塔味太重。