影片
更多
2011-07-17
22 瀏覽
好耐都未黎過南丫島... 直正係週年紀念咁就去我倆鍾意既戶外活動~ 呼吸新鮮空氣...早餐都未食就係想食南丫島有既野~ 之前一直都睇到哩間土耳其餐廳好似幾吸引... 所以一落船就搵下係邊去食我地既Brunch~搵到啦~ 地方唔算大... 好有家庭式經營既感覺~ 門外望入去都幾滿~ 幾驚無位... 一開門就見到有個女人招呼我地~ 好有禮貌... 竟然有最後一張二人檯~ 超幸運... 今日竟然食唔到Pizaa... 因為無芝士?? 芝士仲未送到黎?? 果刻真係好失望... 不過眼見店主都好無奈咁話"唔知係咪因為遲左船? 唔好意思呀..." 我都好明白佢都好想做生意... 唯有叫其他食物啦~於是我地就叫... 南丫島漢堡加薯條:牛肉、煙肉、雞肉... 一見到個漢堡真係好意外~ 非常Juicy而且... 而且芝士開始少少熔更加有真正漢堡既感覺~當一切開漢堡... D煙噴出黎既時候~ 肉既香味令我真係口水都流晒... (好彩無人見到)薯條比想像中多~ 我最愛粗薯條... 當薯條送上既時候~ 店主都主動提醒"小心燙手"... 真係好有heart~ 唔夠茄汁仲可以添架^^ 岩晒最愛茄汁既我..
早餐都未食就係想食南丫島有既野~ 之前一直都睇到哩間土耳其餐廳好似幾吸引... 所以一落船就搵下係邊去食我地既Brunch~
搵到啦~ 地方唔算大... 好有家庭式經營既感覺~ 門外望入去都幾滿~ 幾驚無位... 一開門就見到有個女人招呼我地~ 好有禮貌... 竟然有最後一張二人檯~ 超幸運...
今日竟然食唔到Pizaa... 因為無芝士?? 芝士仲未送到黎?? 果刻真係好失望... 不過眼見店主都好無奈咁話"唔知係咪因為遲左船? 唔好意思呀..." 我都好明白佢都好想做生意... 唯有叫其他食物啦~於是我地就叫...
南丫島漢堡加薯條:
牛肉、煙肉、雞肉... 一見到個漢堡真係好意外~ 非常Juicy而且... 而且芝士開始少少熔更加有真正漢堡既感覺~
當一切開漢堡... D煙噴出黎既時候~ 肉既香味令我真係口水都流晒... (好彩無人見到)
薯條比想像中多~ 我最愛粗薯條... 當薯條送上既時候~ 店主都主動提醒"小心燙手"... 真係好有heart~ 唔夠茄汁仲可以添架^^ 岩晒最愛茄汁既我...
卡巴 (雞肉):之前睇到食評話酸酸地~ 但係原來將橙色果D醬倒埋落D雜菜度一齊食係好好味架~ D雞肉比較乾... 不過醃得好夠味~ 只係覺得果兩片卡巴如果可以大塊D咁就完美喇
土耳其鮮製檸檬特飲:夏日炎炎真係夠解喝~ 酸度適中~ 個人喜愛
進餐期間~ 見到芝士終於送到黎啦... 好多人不斷咁見到好多人入黎... 不過無位~ 亦都見到好多人買外賣... 好多人買pizza~ 店主態度非常友善~ 而且EQ高... 值得一讚~ 可能因為open kitchen既關係~ 加上當日天氣非常炎熱... 所以覺得好似冷氣唔係太夠~
埋單既時候~ 店主仲話"多謝晒~ 下次再黎食pizza丫"... 真係好有禮貌~
下次一定會再去^^
張貼
