土耳其卡巴

營業中

休息中

今日天朗氣清，就去南丫島出走下，行左一陣見到呢間土耳其餐廳，加上冇乜客人，於是入去食今次揀左肉盛宴pizza（12吋size）共8塊,個pizza有雞肉火腿，牛肉，雞肉同芝士，十分鐘後上枱，pizza非常熱芮芮，幾款肉鹹味同辣味充足，更有豐富拉絲芝士埋單$120再加一，今次都幾滿意，下次可以試下其他意粉，卡巴添！

舒舒服服行完南丫島，是但搵間比較少吃的餐廳，就哩間土耳其菜啦。原來哩間野老闆系南丫島有三間餐廳，就系哩間同隔離的印度，仲有一間義大利餐廳，厲害啊！女侍應真系幾好人- 客人吾多時候可以大家用英文吹水，好似去左外國- 你吾要叫野飲，叫兩倍熱水佢一樣好開心。- 埋單$222,佢仲笑笑口問你有無兩蚊，吾會好似其他地方，準備D 散銀好似要你比多D tips。坐低得一檯客人，我地系第二檯叫野食，後面再來兩檯應該系熟客，幾個吾滿意地方系- 我地的食物來得比後來的兩檯客仲要遲，- 而其中一檯客的男客人可以系後門經過廚房入來同出去，條褲估計系做緊裝修（好多灰），又無戴口罩。- 廚房其中一個女夥計又系無戴口罩。中東牛肉串卷（$82）2分- 就好似放左幾個免治牛肉球系個凍包皮裡面，又乾又凍。烤羊肉串（$120）2分- 羊份量系夠，但真系未食過咁乾咁瘦的烤羊肉。

入咗南丫島🏖️就已經到lunch time有啲餓 見到有好多異國風情嘅小店 咁啱經過Menu睇落幾吸引入咗嚟試吓 由於選擇困難症 見到Menu上有個幾吸引包含三種雞牛羊肉嘅串燒拼盤就揀咗嚟試🐖🐂🐓🍟混合烤肉串跟薯條及沙律 $148呢個set絕對啱晒啲食肉獸 肉肉嘅分量幾多 夠晒2個人share 包埋沙律同埋薯條 三款肉色都用咗乾香料調味 羊肉食落去唔會好濃騷味 亦都唔鞋算嫩口 枱面有三款醬汁可以自助隨便加落沙律菜夾埋肉類一齊食 其實類似分開咗嘅kebab但冇咗餅皮 另外薯條比想像中好食啱啱上到嚟仲熱同埋有粗薯條嘅口感 單點成個餐盤感覺會有點dry 建議配搭其他食物或者嘢飲一齊share會開心啲 (⁎⁍̴̛ᴗ⁍̴̛⁎)📍地址：南丫島榕樹灣後街4號地下- 推介: 🌝🌝🌚🌚🌚 (正常)- 味道: 🌝🌝🌝🌚🌚 (正常)- 番兜度: 🌝🌝🌝🌚🌚 (🤔um...)#hkfood #foodie #hkfoodie #零食 #零食開箱 #返工 #放工 #無無聊聊又一日 #打工仔 #打工仔日常 #hkeat #hkfood #試伏 #yuenlongfood #hkfoodblogger #打卡 #美食 #香

去南丫島但想食新奇野既人可以去下e間南丫島既土耳其菜🤣本身間舖唔算多人😳但意外好食既裝修就一般 坐位都闊落 坐得舒服~野食方面就中規中矩啦去相!!!牛肉kebab roll😳 e個卡巴真心好好食比出面舖頭既kebab皮更加薄個配汁又出色!真心值得一試~烤雞卡巴E個卡巴同平時既有唔同😳但意外好食雞味道唔錯 再配上e個卡巴餅都好好食佢仲提供左2隻醬汁可以等我地自己配對岩既口味~吞拿魚salad😳🤣個salad算係唔錯可能帶來小清新~🤣整體黎講 間餐廳食物都唔錯😚如果去南丫島又唔知食咩既 都值得一試😳

假日難得有時間入咗南丫島閑逛，晚餐時間隨意揀咗呢間寫住「最好的烤肉串和披薩」嘅土耳其餐廳～由於得兩個人～可以試嘅款式唔多，而且偏偏就無叫到「最好的烤肉串和披薩」，不過依然覺得有驚喜1. Cheese beef burger (with chips)芝士牛肉漢堡 （加薯條）芝士牛肉漢堡調味很好～牛肉有種特別嘅香料味，牛肉有少少偏鹹，但配上新鮮青瓜、蕃茄同生菜就剛剛好，芝士同沙律醬都配合得好好。整體以一個$45嘅漢堡係一個遊客區算係性價比高。漢堡包嘅份量唔算太大，胃口唔係太細/唔係太易飽可以加$22要埋薯條，粗身薯條新鮮炸起香口好味。2. Curry chicken with pita bread 咖喱雞配皮搭餅咖喱雞係餐牌入面寫配飯，由於怕太飽就問可唔可以轉皮搭餅，諗住可以順便試下～發現係可以轉嘅咖喱調味非常出色，有印度咖喱獨有嘅香料味，見到加入咗蕃茄碎，味道有層次～個人覺得唔算係太辣嘅咖喱。兩個人食的話份量唔算太多，而且咖喱有少少辣好快食完皮搭餅略為乾身，配以咖喱呢類濕潤嘅食物剛剛好～3. Vegetable samosa 素菜咖喱角本身已經有啲飽，不過想試下小食就叫咗個特別啲嘅素菜咖

今日同女朋友黎到南丫島拍拖☺️咁去到12點幾大家都未食午餐一定係非精肚餓架啦🙊咁岩有朋友成日黎南丫島玩就話一定要試下呢間咁話喎🤪🤪咁咪試一試佢係咪咁正先，係碼頭行左一陣就到都算幾方便！就係呢間Best Kebab & Pizza 啦一坐底睇一睇menus都有幾多選擇，例如漢堡，意粉😳烤肉等，而我地就叫左漢堡同意粉試試羊肉芝士漢堡 （$50）+ 薯條 （$22） 8分第一樣我地選擇左漢堡同薯條☺️☺️諗住佢出名烤肉就試下羊肉漢堡啦！一咬落口羊味非常濃郁，啲肉汁差喎多漏出黎😛非常野味，搭配埋芝士嘅加持的確係無敵，薯條方面十分香脆同埋佢粗身少少係十分有口感😚會特別之處係佢有三種醬料俾你選擇，分別係茄汁，酸忌廉醬同埋辣醬岩曬唔同口味嘅人士自製香蒜蓉意粉配蝦 （$85）9分第二道菜我哋選擇咗意粉😳黎到之後一開始就比佢賣相吸引左！非常精緻好似好高級西餐廳咁，而意粉爽口彈牙☺️非常高質，蝦黎講新鮮得黎又充份同蒜蓉嘅味道融為一體，最可惜係份量不多，我同女朋友差d碟都食埋🤣🤣大家黎南丫島嘅朋友推薦呢間性價比高嘅餐廳比大家！

我哋閒日去南丫島玩， 晚餐七點鐘就試下呢一間土耳其菜， 因為以前食過一隻全烤雞， 好好食但都係130蚊， 所以想今次再嚟試下有冇唔同。今次嗌咗兩個菜， 一個係牛肉蘑菇漢堡配薯條， 個牛肉漢堡冇想像中咁乾， 雖然唔算話超級多汁好juicy， 但都係軟同埋中規中矩。 而佢入面除咗蘑菇仲有生菜同埋青瓜， 亦都有佢特製嘅醬汁。 當然佢另外亦都會畀三支醬汁你， 有支好似千島醬嘅系辣嘅， 白色嗰支清新， 紅色嗰支就係普通番茄醬。 個漢堡包其實都好厚， 啲料都算足， 所以食得都幾滿足。佢個薯條非常新鮮同埋脆口， 同埋佢好厚好粗好大條， 一開始加茄汁都好好食， 但之後再撈埋嗰隻白色嘅將更加好食！！！！！最後嗌咗一個辣雞嘅wrap, 如果唔食得辣嘅人可能會覺得有啲太難spicy, 食到出汗.

入到離島，十有八九都係食海鮮🦞，草根偏偏反其道而行，去咗食土耳其菜🇹🇷。原因喺經過餐廳，見到招牌寫住「最好的烤肉串和比薩」，好想試吓有幾好食😋，究竟喺咪真係BEST Kebab & Pizza🍕？.有見及此，草根特登點咗Kebab Burger🍔同Pizza🍕！.📍墨西哥比薩（$120/12”）Mexican pizza (cheese, tomato, jalapeño, beef, onion)薄餅叫咗墨西哥口味，主角當然唔少得辣辣地嘅墨西哥辣椒🌶️、芝士🧀、番茄🍅同牛肉。一入口已經感覺幾辣🔥，再食多兩啖，簡直覺得有團火喺口腔爆發🥵🔥🔥🔥。建議唔食得辣嘅朋友千祈唔好叫呢款🍕。芝士鋪滿晒成個薄底Pizza👏🏻，仲有拉絲效果😏。牛肉調味唔錯，不過份量太少🤏🏻。整體嚟講， 味道唔夠豐富，配料亦都唔夠多。.📍自製香蒜蓉意大利麵（$68）Homemade Pesto Sauce Pasta另外仲試咗佢哋自製嘅青醬意粉🍝，青醬主要以蒜蓉、羅勒🌿、松子、橄欖油同🧀芝士混合而成，味道清新。🍝意粉煙韌有咬口，配上自家製青醬十分開胃，而且份量剛好。.📍最好的烤肉漢堡（$68）Best Kebab Bur

天朗氣清，去番個ad-hoc離島遊。今次選擇左南丫島，健康地行個山🤗即興離島遊，無plan，只有一個目標，上風車山🤩搭船去到南丫島，本身想搵間cafe懶悠閒做偽文青，但係見到呢間聲稱係土耳其菜瑕，貪新鮮既我連menu都未睇就衝左入去😂呢個係羊肉芝士漢堡，平時好少見，即嗌🤗友人唔食羊肉，可以一人獨享😂ok wor! 最緊要羶味唔勁!友人嗌左烤雞卡巴，試左一兩舊，個人覺得啲雞偏乾身，好彩有醬汁。唔知乜野汁，不過幾夾。

近排同家人去咗南丫島旅行，特登去唔到依間餐廳就食下午茶。餐廳位於南丫島環境較為有南丫島風味，餐牌很多外國菜式選擇跟住就想揀選左南丫島漢堡作為下午茶。整體他們和茶餐廳的漢堡包差不多薯條時候說的相當新鮮熱辣。要漢堡扒路賣相亦尚算不錯，除咗有漢堡之外仲有芝士醬汁外，漢堡包的麵包亦相當鬆軟食落去都是正常的漢堡包味道不會太差易要漢堡包賣相亦尚算不錯，除咗有漢堡之外仲有芝士醬汁等，漢堡包的麵包亦相當鬆軟食落去都是正常的漢堡包味道不會太差亦會整體不錯。

我都唔知點解去南Y島會食土耳其菜😂 大概無咩特別想食，就試下呢間餐廳餐廳小本經營，裝修簡單，食物選擇都算多，但上菜比較慢第一度菜要咗個希臘沙律... 啲羊奶芝士ok，但啲生菜苦既同埋個沙律醬無咩味，所以呢個菜好麻麻第二度菜係炸帶子，外面炸到金黃色，裹面仲食到一絲絲既帶子肉，唔錯最後係羊肉kebab，呢個羊肉卷真係出色，個羊肉啲肥油好香，食咗入口會係口內停留，仲要熱辣辣新鮮做起，正！整體黎講，係離島算ok啦～

週末遊南丫島，沒計劃下只打算邊間多人入邊間。突然黃雨，經過的茶記、餐廳都坐滿人，想起去年在一間土耳其餐廳吃過Juicy的漢堡。有位！裝修過後環境舒適了(不肯定是裝修還是易手了？！)鷹嘴豆泥菜卷 Vegetable Roll w/Hummus以為鷹嘴豆泥只是黏黏滑滑的泥醬，這kabab roll有爽脆的蔬菜加上開胃的醬汁，鄰桌都過來問這卷的名堂呢夏威夷薄餅 Hawaiian Pizza是最喜歡的香脆薄底，內容是Hawaiian一貫的芝士蕃茄火腿菠蘿，一人ko了一整個Samosa 和 Mango Lassi好像沒試過不好吃的samosa和mango lassi，這裡也沒令人失望，不比平常印度菜吃過的遜色👍🏻下次來南丫島，我們不介意再三吃這間卡巴呢！

難得假期，就嚟到南丫島打算南丫島一日遊。去到傍晚嘅時候有啲肚餓，但係又唔想食海鮮，所以就揀咗呢一間餐廳試西餐！餐牌上都唔少嘢食架！叫左個carbonara ，carbonara 不嬲都係我最愛，呢個carbonara 有煙肉，份量就適中啦！味道方面，係好creamy嘅！濃味到我覺得太重cream添呀pizza方面，百幾蚊已經有呢個size, 薄薄地又唔算好滯，pizza上面又多肉，加上好多cheese，芝味濃郁！兩個人食真係夠晒！burger方面，味道就普普通通，肉質唔算好多，包亦都係有啲乾，不過配菜薯條就好好味啦！又脆又熱！

商品説明條例@假帶子篇 🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣大家小心🤦🏻‍♂️

失望，等左一個鐘都未有野食到！今日餓住個肚，滿心期待去試呢間土耳其餐廳 。去到好快就點左個夏威夷牛肉漢堡加薯條同烤雞土其奇吧。然後陸陸續續都有d客入嚟食野。我同朋友傾住計等d野食到，點知等左成個鐘d野食都未嚟。我地見住遲入嘅客d野食都嚟左，但係我地d野食就一樣都未到。然後就問d staff，點解d野食咁耐都未到，但係d staff除左點頭就咩都冇講。咁我地就再等多一陣啦，點知都係見住d野食係比遲過我地嘅客，最後我地嬲到成肚氣走左。希望下次嚟嘅時候，可以加快番野食製作時間同員工接待問題。