創意廚房 (加路連山道) (已結業)

做嘢比較忙，想快快手手食個飯就返去做嘢，咁就揀咗呢間港式茶餐廳度食，當時唔算多人，落完單就好快就上到菜。 香茅豬扒煎蛋飯 $52成個套餐都算大份，豬扒有兩大塊，有隻煎蛋，佢送個例湯同嘅飲，食完都覺得好飽。成個餐嘅主角係個豬扒度，除咗大塊都唔係薄切切，豬扒煎得好好食，雖然偏油膩少少，但係佢煎得好軟淋，肉質十分之易咬，咬落口仲保留啲豬扒肉汁，加埋佢嘅香茅味，真係食到舐舐脷。煎蛋係荷包蛋，蛋黃唔係全熟，拮穿個蛋白等啲蛋黃汁流出嚟，撈埋啲飯一齊食，係另一種享受。