創意廚房 (加路連山道) (已結業)

返工食lunch最緊要平靚正🔥，唔好講fancy 最緊要實惠。今次真係要推介呢間茶餐廳，係銅鑼灣地段，真係無幾間可以做到咁平又好食，外賣自取一律減5蚊‼️，套餐送湯送野飲🥤，凍飲唔洗加3蚊‼️創新廚房 (銅鑼灣)銅鑼灣加路連山道11號加路連大樓地舖抵食指數: ⭐️⭐️⭐️⭐️⭐️南乳豬手飯🐷 豬手飯最緊要豬手炆得夠入味同埋軟熟，呢一間豬手絕對當之無愧而且豬手啖啖肉🍖，南乳汁又夠多又可以撈飯🍚，飯又夠多。絕對係頹飯首選🔥⭐️

麻甩午餐，$53鹹魚叉燒炒飯，正常茶餐廳水準。期望有梅香鹹魚味？想創你個心咩！即係你見到鄧麗欣當係見吉澤明步一樣，幻想吓好喇。而且，明顯食到有鹹魚粒落口已經好唔錯，何況盒飯份量足，跟餐有湯，加凍飲唔使$3，$2就得，外賣自取又減$5，相當抵食啦😊。講開講埋，碗湯，次次都𢳂兩嚿瓜、一嚿肉過你歎吓，永冇甩漏，餐廳都算細心👏🏽。同場加映：同事叫魚香茄子飯，佢係偏向食🍆嘅人，點知佢打開盒飯話：「肉碎多過茄子，好大方⋯⋯」笑出嚟😂

🇭🇰創意廚房窩蛋牛肉飯花椒八角調味極重 唔喺好食到牛味 食出完起碼有10粒八角喺碟到😳/ 過份地多水 唔喺醬汁而喺水 搞到成碟飯水汪汪/ 窩蛋完全食唔出咪 轉為煎蛋較好/ 不推薦☹️餐蛋治烘底多士烘底做到夠脆有水份/ 餐肉尚算夠厚身但略嫌比較油/ 煎蛋不過不失/ 餡料如果更加厚身就好啦😋例湯 冬瓜湯正正常常茶記例湯😂/ 都算喺清甜#hk #hkfoodie #foodiehk #chachaanteng #beef #rice #lunch #spam #egg #sandwich #rich #favour #香港 #香港美食 #香港茶記 #茶餐廳 #窩蛋牛肉飯 #花椒八角 #餐蛋治 #烘底

做嘢比較忙，想快快手手食個飯就返去做嘢，咁就揀咗呢間港式茶餐廳度食，當時唔算多人，落完單就好快就上到菜。 香茅豬扒煎蛋飯 $52成個套餐都算大份，豬扒有兩大塊，有隻煎蛋，佢送個例湯同嘅飲，食完都覺得好飽。成個餐嘅主角係個豬扒度，除咗大塊都唔係薄切切，豬扒煎得好好食，雖然偏油膩少少，但係佢煎得好軟淋，肉質十分之易咬，咬落口仲保留啲豬扒肉汁，加埋佢嘅香茅味，真係食到舐舐脷。煎蛋係荷包蛋，蛋黃唔係全熟，拮穿個蛋白等啲蛋黃汁流出嚟，撈埋啲飯一齊食，係另一種享受。

喺銅鑼灣附近返工其實lunch真係有好多選擇，但係價錢個range都好大經過上次喺隔離食完份量太少嘅春嬌之後發現咗呢間茶餐廳！見到有好多學生同埋上班族都嚟幫襯每一日都會有唔同款式嘅精選套餐會比較平，最後我揀咗魚香茄子魚塊盛惠49！呢個份量真係冇得輸！唔單止飯多連餸都有好多，魚塊都有5/6舊，比起其他茶餐廳更加重手！外賣自取仲要平過堂食幾蚊，包例湯同冷熱野飲。魚香茄子冇咗個煲真係會差少少，但係好彩師傅炒得夠鑊氣，味道又適中唔會太濃味。例湯有成舊雪耳係到真係好誇張，呢個價錢食到呢個份量同呢個味道，真係會當佢係長期飯堂

#breakfastforlunch, #cheapeat, #causewaybay you already know that this is a good review... but how good it is? let me yell you... i keep doubting myself...again, I eat alone, so pick something that my wife would bit like. there it only 1 left near this area and I came here 1 year ago by self the woth my wife, didnt like them that much...when I sat down, asked for the breakfast menu... i bit more expensive than I remembered, but I sat down, so I order for my best benefit. could things caught my e

今日又去左希雲街果頭覓食, 本身睇中左一間餐廳, 點知去到要等3張枱先入得, 所以轉場。行行下發現呢間創意廚房, 價錢幾親民, 就入去試試。餐廳分左室內同室外兩部分, 室外空氣流通D, 但係就有客人會食煙, 因此我入左室內。不過室內面積比較細, 而且放左好多張枱, 所以通道好窄, 肥少少都入唔到🤭。不過老實講, 佢個午市套餐係幾抵食既, 50零蚊已經食到你飽, 難怪咁多學生哥幫襯。我覺得最吸引既係紅豆冰, 因為跟餐加$2 就飲到, 平時呢類特飲, 出面要加 $10左右先有, 所以我都叫番杯黎飲。意式茄醬蛋包飯 + 吉列蝦拼魚柳 ($52)套餐份量都幾多, 我到最後係食唔哂的。先講蛋包飯, 佢個蛋係完整地包住中間既白飯, 不過蛋皮略嫌有少少老, 所以質地偏乾。至於白飯方面, 好有趣地我同事叫既蛋包飯入面白飯好濕, 但我果個就好乾, 真係唔知點解。然而呢度D炸物係炸得唔錯既。吉列蝦有兩隻, 炸蝦的炒漿唔厚, 咬落脆口, 而蝦肉都幾有咬口, 味道唔錯。而至於炸魚柳方面, 整體都唔錯, 炸完既魚柳, 肉質都唔會鬆散, 不過魚味唔太夠, 但算對得住個價錢。若要講要改善既地方, 應該就係佢D茄醬沾

今天帶小米到南華的同樂日，活動過後，就到附近來個下午茶。看到這家茶餐廳，門前張貼的下午茶餐，價格ＯＫ，於是入內就座。牆壁上列出所有下午茶餐，幸好枱面也有餐牌。小發現：餐飲可免費轉紅豆冰！很多餐廳，轉飲紅豆冰要加錢呢！這裡竟然是免費轉飲。　而且感覺較健康，也是小米喜歡的飲品。　各自點了一份套餐，然而食物卻很快呈上。潮州魚蛋河　　　河粉是用米造的，夠正氣。而魚蛋又是小米所愛，加上清湯底，味道不濃烈，感覺夠健康。沙嗲牛肉拼午餐肉米粉　　其實小米想食午餐肉湯河，奈何餐牌没有這種配搭，唯有自己點雙拼粉，將套餐內的午餐肉讓給小米。　自己可獨享嗲牛米了！沙嗲味道以辣為主，没有馬拉應有的花生香味和椰糖的甜味。而且杰撻撻的質地，有點似加生粉勾芡。將沙嗲醬浸在湯內，讓其平均溶於湯底，以便溝淡其辣味，還可以看到片片牛肉的真身。雪藏牛肉，心照！　　　三十蚊的茶餐，不能要求太多。　完成後來一杯茶酒。　　　而小米的紅豆冰，特地點了走奶，變為紅豆水了！

同班friend一齊食lunch，見人地介紹就去試下😁，但入到無幾奈就開始feel到D煙味(雖然內街，但出面好多人食煙) 講返啲食物先，大大碗撈濛加雞扒，餃子，飲品，心lum 40💰 ok la。但食食下先知大鑊，超酸。各位酸友，想挑戰一定要叫撈濛💪