大榮華圍村菜 (已結業)

第一次去大榮華, 聞名不見幫襯.經驗話我知, 咁出名嘅餐廳, 其實..... 都係食個名氣啫....再加上今次同D麻煩人一齊去, 唉.....第六感話我知, 今次將會無咩驚喜.由於同D麻煩人一齊去晚飯, 食D咩由佢地話事, 我都免得俾意見.如果唔係朋友介紹, 我都懶得應付D麻煩人幫佢占卜解決問題.結果點咗客翡翠琵琶豆腐, 粉絲什菜煲同鮑汁花賿仔玉掌煲.其實三個小菜都唔係我杯茶, 不過我一心打算快快攪掂快快閃, 算!翡翠琵琶豆腐 - 琵琶豆腐口感嫩滑, 但茨汁過多, 而且茨汁味道重咗少少.粉絲什菜煲 - 同一般大排檔無咩分別, 其實哩款簡單小菜無咩太大特式.鮑汁花賿仔玉掌煲 - 茨汁太過淡, 花賿亦唔夠冧, 自己唔太中意食玉掌, 食咗一隻感覺唔夠入味同比較爽口. 炆得唔夠耐.要讚一讚係三個小菜都無偷工減料, 侍應服務態度亦唔錯.