Soul9+ (已結業)

果日約左老公食晏就，佢又側魚涌行過黎，想食西餐又唔太貴既，於是就試下呢間喇～～餐廳雖小，但都坐到多枱客，可能價錢相宜，都幾多人，好彩搵到位🙂我地叫左溫泉蛋明太子忌廉意大利粉同香蒜白酒鮮茄魷魚意大利粉。溫泉蛋明太子忌廉意大利粉：明太子味道好重，不過醬汁有點過膩，但麵質老公大讚煙刃，係佢中意既口感。至於香蒜白酒鮮茄魷魚意大利粉，味道ok, 老公話如果份量再多少少更佳🤣我地加多左個雞軟骨餃子，估唔到既好食，好特別，方間既餃子絕少用雞軟骨做餡料，脆脆既，唔錯！餐飲我叫左熱朱古力，味一般，似係即沖既果種朱古力熱飲。不過想食西餐又唔太貴，都係其中一個選擇。